ەل تىنىسى
مەكتەپكە دەيىنگى ۇيىمداردان 1000-نان استام پەداگوگ بىلىكتىلىكتى ارتتىرۋ كۋرستارىنان وتەدى
مەكتەپكە دەيىنگى ۇيىمداردان 1000-نان استام پەداگوگ بىلىكتىلىكتى ارتتىرۋ كۋرستارىنان وتەدى, دەپ حابارلايدى astana-akshamy.kz.
«ورلەۋ» بىلىكتىلىكتى ارتتىرۋ ۇلتتىق ورتالىعى العاش رەت مەكتەپكە دەيىنگى جاستاعى بالالاردىڭ كوممۋنيكاتيۆتىك داعدىلارىن دامىتۋدا ارت-پەداگوگيكالىق تەحنولوگيالار بويىنشا بىلىكتىلىكتى ارتتىرۋ كۋرستارىن باستادى. بۇل كۋرسقا مەكتەپكە دەيىنگى تاربيە مەن وقىتۋ جۇيەسىنەن 1000-نان استام پەداگوگ قاتىسادى. كۋرستىڭ باعدارلاماسى مەكتەپكە دەيىنگى جاستاعى بالالارمەن جۇمىس ىستەۋدە ارت-پەداگوگيكا ءادىس-تاسىلدەرىن قولدانۋ بويىنشا پەداگوگتەردىڭ كاسىبي قۇزىرەتتەرىن جەتىلدىرۋگە ارنالعان.
«ارتپەداگوگيكا – مەكتەپكە دەيىنگى بالالاردىڭ سويلەۋ جانە كوممۋنيكاتيۆتىك داعدىلانى دامىتۋدىڭ يننوۆاتسيالىق ادىستەرىنىڭ ءبىرى. بالالاردىڭ قارىم-قاتىناسىنىڭ باسىم اسپەكتىسى ويىن بولعاندىقتان, ارت-پەداگوگيكالىق تەحنولوگيالاردىڭ ىشىندە اسىرەسە, ەرتەگى تەراپياسى, كىتاپ تەراپياسى, مۋزىكا تەراپياسى, ويىن تەراپياسى, بي تەراپياسى, سۋرەت تەراپياسى ماڭىزدى. بۇگىندە كۋرستا 669 پەداگوگ وقۋدا», – دەپ اتاپ ءوتتى «ورلەۋ» باسقارماسىنىڭ توراعاسى ايدانا شيليبەكوۆا.
باعدارلاما وقىتۋدىڭ ءارتۇرلى ادىستەرىن, تۇرلەرىن, ونىڭ ىشىندە پراكتيكالىق جۇمىس پەن تالقىلاۋدى, كەيستەردى تالداۋدى, كوشپەلى پراكتيكالىق ساباقتاردى ۇيىمداستىرۋدى كوزدەيدى. كۋرس بويىنشا وقۋ وسى جىلدىڭ قاراشا ايىنىڭ سوڭىنا دەيىن وتەدى.
