مەملەكەت باسشىسى اقوردادا كورەيا رەسپۋبليكاسىنىڭ پرەزيدەنتى يۋن سوك ءيولدى قارسى الدى

مارتەبەلى مەيماننىڭ ساپارىنا وراي سالتاناتتى راسىمدەر زالىندا قۇرمەت قاراۋىلى ساپ تۇزەپ, ونىڭ باستىعى مەملەكەت باسشىلارىنا سالەمدىك بايانات بەردى. وسىدان كەيىن پرەزيدەنتتىك وركەستر ەكى ەلدىڭ مەملەكەتتىك ءانۇراندارىن ورىندادى. ءانۇرانداردى تىڭداپ بولعاننان كەيىن قاسىم-جومارت توقاەۆ پەن يۋن سوك يول كىلەمشە بويىمەن قازاقستان رەسپۋبليكاسىنىڭ مەملەكەتتىك تۋىنا قاراي ءجۇردى. ونىڭ الدىنا كەلگەندە مەيمان توقتاپ, باسىن ءسال ءيىپ, ءوزىنىڭ قۇرمەتىن ءبىلدىردى. سونان سوڭ مەيمان مەن پرەزيدەنت قۇرمەتتى قاراۋىل ساپىنىڭ بويىمەن ءجۇردى.

كورەيا باسشىسى قۇرمەتتى قاراۋىل باستىعىمەن قوشتاستى.

قازىرگى ۋاقىتتا مەملەكەت باسشىلارى شاعىن قۇرامداعى كەزدەسۋگە ءوتتى.

ايتا كەتەرلىگى, ەكى ەل باسشىلارى قازاق-كورەي بيزنەس-فورۋمىنا قاتىسادى دەپ جوسپارلانعان.

سونىمەن قاتار بىرقاتار ەكىجاقتى قۇجاتقا قول قويۋ دا كوزدەلگەن.