پرەزيدەنت قاسىم-جومارت توقاەۆ باق سالاسى قىزمەتكەرلەرىن ماراپاتتاۋ راسىمىندە سويلەگەن سوزىندە ءوزى ۇزبەي وقيتىن گازەتتەردى اتادى, دەپ حابارلايدى astana-akshamy.kz.
«ءباسپاسوز – قوعامنىڭ بەت-بەينەسى. مەن كۇندەلىكتى گازەت-جۋرنالدى ۇنەمى قاداعالاپ وتىرامىن. «Egemen Qazaqstan», «كازاحستانسكايا پراۆدا», «Aiqyn», «ليتەر», «Turkistan», «Ana tili», «قازاق ادەبيەتى» باسىلىمدارىن, ايماقتاردا شىعاتىن گازەتتەردى دە ۇزبەي وقيمىن. كوپ ماعلۇمات الامىن, پايدالى اقپارات وتە كوپ. جالپى, قازىرگى تاڭدا گازەتتەردە جاريالانىپ جاتقان ماتەريالداردىڭ ساپاسى جوعارى, وقۋعا تارتىمدى دەپ ايتقىم كەلەدى. قوعامنىڭ تىنىسىن, زيالى قاۋىمنىڭ وي-پىكىرىن ءبىلىپ وتىرۋ وتە ماڭىزدى دەپ سانايمىن», – دەدى مەملەكەت باسشىسى.
سونداي-اق, قاسىم-جومارت توقاەۆ قازىرگىدەي قۇبىلمالى زاماندا حالىققا جان-جاقتى ساراپتالعان, تەكسەرىلگەن, شىنايى اقپاراتتى ۇسىنۋ ماڭىزدى ەكەنىنە توقتالدى.
«ازاماتتاردى اداستىراتىن اقپاراتقا جول بەرۋگە بولمايدى. ءسوز بوستاندىعى – ەلدەگى ءار باستامانى سىناۋ دەگەن ءسوز ەمەس. ناعىز ۇلت مۇددەسىن كوزدەگەن اقپارات قۇرالى ەلدىڭ بەرەكە-بىرلىگىن نىعايتۋ ءۇشىن قىزمەت ەتۋى كەرەك. شىن مانىندە, گازەت شىعارۋ جانە گازەت وقۋ ءۇردىسى ەشقاشان ۇزىلمەۋگە ءتيىس. وسى ساباقتاستىقتى ساقتاپ قالۋ كەرەك. بۇل – وركەنيەتتى ەلدەردىڭ بارلىعىندا قالىپتاسقان ءداستۇر», – دەدى پرەزيدەنت.
