استانا قالاسى بويىنشا تەكسەرۋ كوميسسياسىنىڭ كەزەكتى وتىرىسىندا ءماسليحات دەپۋتاتتارى مەن استانا قالاسىنداعى اۋدان اكىمدىكتەرى باسشىلارىنىڭ قاتىسۋىمەن استانا قالاسىنىڭ دەنە شىنىقتىرۋ جانە سپورت باسقارماسىنىڭ بيۋدجەتتىك باعدارلامالار بولىنگەن بيۋدجەت قاراجاتىن پايدالانۋ تيىمدىلىگىنىڭ مەملەكەتتىك ءاۋديتىنىڭ قورىتىندىسى قارالدى.
اۋديتورلىق قورىتىندىنىڭ ناتيجەسىندە قالاداعى سپورت سالاسىن دامىتۋ بويىنشا جالپىمەملەكەتتىك ساياساتتى جۇزەگە اسىرۋ بويىنشا اۋقىمدى جۇمىستاردىڭ اتقارعاندىعى كورىندى. بالالار مەن جاسوسپىرىمدەردىڭ سپورت مەكتەپتەرى تاراپىنان جوعارى سپورتتىق كورسەتكىشكە قول جەتكىزەتىن سپورتشى رەزەرۆتەردى دايىنداۋ باعىتىندا استانا قالاسىنىڭ قۇراما كومانداسى ساپىندا رەسپۋبليكالىق جانە حالىقارالىق جارىستاردا جۇلدەگەر بولعان سپورتشىلار سانى ارتىپ وتىر. وسى باعىتتا, ياعني جوعارى شەبەرلىك كورسەتەتىن سپورتشىلاردى دايىنداۋ ۇلكەن جۇمىستى جانە ماتەريالدىق قولداۋدى قاجەت ەتەتىنى ايتىلدى.
اۋديت دەنە شىنىقتىرۋ جانە سپورت باسقارماسىندا جانە وسى مەكەمەنىڭ قاراماعىنداعى 10 ۇيىمدا: وليمپيادالىق جانە وليمپيادالىق ەمەس سپورت تۇرلەرى دامىتۋ بويىنشا ديرەكتسيالاردا جانە سەگىز سپورت مەكتەپتەرىندە (سديۋسشور №1, سديۋسش №2, سديۋسشور №3, سديۋسشور №5, ديۋسش №7, سديۋسشور №8, ديۋسش №9 سديۋسش №10) بويىنشا جۇرگىزىلدى.
ءاۋديتتىڭ قورىتىندىسى بويىنشا 45 لاۋازىمدىق تۇلعالار 45 دەرەك بويىنشا اكىمشىلىك جاۋاپكەرشىلىككە تارتىلدى. 2 دەرەك بويىنشا ماتەريالدار پروتسەسسۋالدىق شەشىم قابىلداۋ ءۇشىن قۇقىق قورعاۋ ورگاندارىنا جولداندى.
اكىمشىلىك ءىس جۇرگىزۋدى قوزعاۋ جونىندە ءىس جۇرگىزۋ شەشىمىن قابىلداۋ ءۇشىن ۋاكىلەتتى ورگاندارعا 12 ماتەريال جىبەرىلدى.
مەملەكەتتىك ءاۋديتتىڭ قورىتىندىسى بويىنشا تەكسەرۋ كوميسسياسى ءتيىستى تاپسىرمالار مەن ۇسىنىمدار بەردى.
