قما قىزمەتكەرى ءبىر جىل بويى مەملەكەتتىك قۇپيانى بوتەن ادامدارعا بەرىپ كەلگەن, دەپ حابارلايدى astana-akshamy.kz
سول قىلمىسى ءۇشىن اتالعان اگەنتتىكتىڭ قىزمەتكەرى ناقتى مەرزىمگە سوتتالدى.
شىمكەنت قىلمىستىق ىستەر جونىندەگى اۋدانارالىق سوتىنىڭ ۇكىمى بويىنشا, قر قك-ءنىڭ 185-بابى 3-بولىگى (مەملەكەتتىك قۇپيالاردى زاڭسىز جاريا ەتۋ) بويىنشا ازامات ك. 5 جىلعا باس بوستاندىعىنان ايىرىلدى.
«بۇل قىلمىس مەملەكەتتىڭ قاۋىپسىزدىگىنە قاتەر توندىرەتىن ەڭ اۋىر قىلمىستاردىڭ ءبىرى رەتىندە سارالاندى. سوت بارىسىندا پروكۋرور قىزمەتكەردىڭ قۇپيا اقپاراتتى ءۇشىنشى تۇلعالارعا ءبىر جىل بويى بەرگەنى تۋرالى سەنىمدى دالەلدەر كەلتىردى», – دەلىنگەن حابارلامادا.
مۇنداي قىلمىستاردىڭ الدىن الۋ – قۇقىق قورعاۋ ورگاندارىنىڭ باسىم باعىتتارىنىڭ ءبىرى. ۇكىم زاڭدى كۇشىنە ەندى.
