مەملەكەتتىك رامىزدەر كۇنى قانداي ءىس-شارالار وتەدى؟

استانادا مەملەكەتتىك رامىزدەر كۇنىنە بىرقاتار ءىس-شارالار وتكىزۋ جوسپارلانۋدا, دەپ حابارلايدى astana-akshamy.kz

ولاردىڭ اراسىندا چەللەندج, كورمە, ءتۇرلى اكتسيالار, مەرەكەلىك كونتسەرت جانە ت.ب. بار.

4 ماۋسىم كۇنى قالامگەرلەر اللەياسىندا «كىتاپ قالا» اشىق اسپان استىنداعى كىتاپحانا بازاسىندا «مەملەكەتتىك رامىزدەر – ۇلتتىڭ ايشىقتى تاڭباسى» تاقىرىبىندا كىتاپ كورمەسى ۇيىمداستىرىلادى.

بۇل كۇنى ساعات 14.00-16.00 ارالىعىندا «بايتەرەك» مونۋمەنتى الدىندا «مەن قازاقستاننىڭ پاتريوتىمىن!» اسكەري-مۋزىكالىق پاتريوتتىق شەرۋ وتەدى.

سونداي-اق, قالالىق اربات پەن قالالىق ورتالىق ساياباعىندا «رامىزدەرىم-ايبىنىم» اكتسياسى وتەدى. ونىڭ اياسىندا قالا تۇرعىندارىنا مەملەكەتتىك جالاۋشالار تاراتىلىپ, ۆيكتورينا ويناتىلادى جانە قاتىسۋشىلارعا سىيلىقتار تابىستالادى.

ساعات 19:00-دە قالالىق ارباتتا «مەنىڭ ەلىم!» پاتريوتتىق اندەر شەرۋى وتەدى.

الەۋمەتتىك جەلىلەردە قازاقستان رەسپۋبليكاسىنىڭ مەملەكەتتىك رامىزدەر كۇنىنە ارنالعان ۆيرتۋالدى كورمە وتەدى.

ءبىلىم بەرۋ مەكەمەلەرى مەن ۇيىمدارىندا بىرقاتار ءىس-شارا وتپەك. ولار: «مەن قازاقستان رەسپۋبليكاسىنىڭ ازاماتىمىن» پىكىرسايىسى, قر مەملەكەتتىك رامىزدەرى تاقىرىبىنا ارنالعان وليمپيادا, «مەملەكەتتىك رامىزدەر – ەلدىگىمىزدىڭ نىشانى» تانىمدىق ساعاتتارى, «ەلىمنىڭ رامىزدەرى» جاس اقىندار بايقاۋى, «اتامەكەن» اتتى پاتريوتتىق ولەڭدەر ورىنداۋ بويىنشا چەللەندج, «ەل رامىزدەرى – ەل رۋحى» كىتاپ كورمەسى, «ەلىمنىڭ رامىزدەر كۇنى» بالالار جۇمىستارىنىڭ قالالىق كورمەسى, «مەملەكەتتىك رامىزدەر – ۇلت ماقتانىشى» كونتسەرتتىك باعدارلاماسى, «رامىزدەرىم – ماقتانىشىم!» مەرەكەلىك كونتسەرتى ۇيىمداستىرىلادى.

سونىمەن قاتار, 3-4 ماۋسىم كۇندەرى قازاقستان رەسپۋبليكاسى مەملەكەتتىك رامىزدەر كۇنىنە وراي مەملەكەتتىك جانە باعىنىستى مەكەمەلەردە «مەن قازاقستاننىڭ پاتريوتىمىن!» مەرەكەلىك ءىس-شارالارى جوسپاردا بار.

مەملەكەتتىك مەكەمەلەر, اۋماقتىق ورگاندار, باعىنىستى ۇيىمدار جانە ت.ب. اراسىندا «مەنىڭ رامىزدەرىم – مەنىڭ ماقتانىشىم!» جالپىقالالىق پاتريوتتىق اكتسيا-چەللەندجى وتەدى.

الەۋمەتتىك جەلىلەردە ءبىر ۋاقىتتا مەملەكەتتىك تۋدىڭ تۇسىندا تۇسكەن سۋرەت ورنالاستىرا وتىرىپ, «مەنىڭ تۋىم – مەنىڭ ماقتانىشىم!» جالپىۇلتتىق چەللەندجى ۇيىمداستىرىلادى.

ماۋسىمنىڭ العاشقى كۇندەرىنەن باستاپ, «تۋىمىز – تورىمىزدە!» پاتريوتتىق اكتسيا وتكىزىلۋدە. ونىڭ اياسىندا قر مەملەكەتتىك تۋلارىن تۇرعىن ۇيلەر مەن عيماراتتاردىڭ بالكوندارى مەن تەرەزەلەرىندە جەلبىرەتۋ ءىس-شاراسى قولعا الىندى. جالپى 1000 جۋىق مەملەكەتتىك تۋلار تۇرعىن ۇيلەرگە ءىلىندى.