كىشكەنتايىمنان كىتاپحاناعا بارعاندى, كىتاپ وقىعاندى ۇناتامىن. وسى وقۋ جىلىندا بەردىبەك سوقپاقباەۆتىڭ «مەنىڭ اتىم قوجا» كىتابىن وقىپ ءبىتىردىم. قازىرگى وقىپ جاتقان كىتابىم – م.اۋەزوۆتىڭ «كوكسەرەك» اڭگىمەسى. وتە قىزىق, 4-تاراۋىنا كەلدىم. كىتاپ وقۋ ارقىلى وقۋعا دەگەن زەيىنىڭ اشىلادى. ەڭ قىزىعى, مەن ادەبي كىتاپتارمەن قوسا عىلىمي كىتاپتاردى وقىعاندى دا جاقسى كورەمىن. اناممەن ساۋدا ۇيىنە بارعان سايىن «Marwin» كىتاپ دۇكەنىنەن ءارتۇرلى ەنتسيكلوپەديالار الامىن. وندا نەشە ءتۇرلى تاقىرىپ بار. مىسالى, عالامشارلار, عارىش, دالا جانۋارلارى, دينوزاۆرلاردىڭ الۋان ءتۇرى تۋرالى تانىمدىق كىتاپتار قىزىقتىرادى. ماعان دالادا ويناپ ءجۇرىپ, جەردە قىبىرلاپ جۇرگەن قوڭىز, قۇرت سەكىلدى جاندىكتەردى زەرتتەگەن ۇنايدى, ەرەكشە جاندىكتەر نەمەسە گۇلدەر كورسەم, ۇزاق قاراپ وتىرامىن, سوسىن ۇستاپ كورەمىن. ۇيدە سۋرەت سالىپ, لەگو قۇراستىرىپ, شاحمات ويناعاندى ۇناتامىن.
سونداي-اق قوسىمشا ۇيىرمەلەرگە دە بارامىن, ولار: شاحمات, روبوتوتەحنيكا, ارت-تەراپيا (سۋرەت سالۋ). ۇيدە اكەممەن بىرگە شاحمات وينايمىز. بيىل شاحماتتان 5-تەن 4-رازريادقا ءوتىپ, ءبىر ساتىعا كوتەرىلدىم. ۇنەمى ءتۇرلى تۋرنيرگە, جارىسقا قاتىسامىن. انام مەن اكەم جارىسقا ورىن الۋ ءۇشىن ەمەس, تاجىريبە جيناۋ ءۇشىن قاتىس دەپ قولداپ وتىرادى. جارىستان ورىن الماي كەلسەم دە, قاتىسقانىم ءۇشىن قاتتى قۋانادى. وسى جىلى شاحمات تۋرنيرىنەن 3 رەت ماقتاۋ قاعازىمەن ماراپاتتالدىم. بارلىق جەتىستىگىم مەن ءبىلىمىمنىڭ, ەڭبەگىمنىڭ ناتيجەسىن كورسەتىپ, دەمەپ جۇرگەن – وتباسىم! ولارعا العىسىم شەكسىز! ءۇمىتىڭىزدى اقتاۋعا بارىمدى سالامىن. مەنى انام مەكتەپتەگى «دامۋ بالا» باعدارلاماسىمەن دومبىرا ۇيىرمەسىنە جازىپ قويدى. الداعى ۋاقىتتا تاعى ءبىر ارمانىما جەتەمىن دەگەن ويدامىن.
ايسۇلتان ەرىك, سىرباي ماۋلەنوۆ اتىنداعى
№37 مەكتەپ-ليتسەيدىڭ 3-سىنىپ وقۋشىسى
