استانادا مەرەكەگە وراي جالاۋشالار تاراتىلدى, دەپ حابارلايدى astana-akshamy.kz
مەملەكەتتىك رامىزدەر كۇنى اياسىندا ەلوردادا «مەنىڭ رامىزدەرىم» اكتسياسى ءوتتى.
ءىس-شارانى قالالىق تىلدەردى دامىتۋ جانە ارحيۆ ءىسى باسقارماسى ۇيىمداستىردى. ونىڭ ماقساتى – مەملەكەتتىك رامىزدەردى ۇلىقتاۋ, ازاماتتاردىڭ پاتريوتتىق سەزىمىن وياتۋ.
اكتسيا اياسىندا «Mega Silk Way» ساۋدا ورتالىعىنىڭ قىزمەتكەرلەرىنە ەلىمىزدىڭ مەملەكەتتىك تۋى بەينەلەنگەن توسبەلگىلەر مەن كىشكەنتاي جالاۋشالار تاراتىلدى.
«مۇنداي اكتسياعا قاتىسقانىمىزعا وتە قۋانىشتىمىز. مەملەكەتتىك رامىزدەر – ەلىمىزدىڭ ءاربىر ازاماتى ءۇشىن ەرەكشە قۇندىلىق. بۇگىنگى مەرەكەمەن بارشا قازاقستاندىقتاردى قۇتتىقتايمىن. ەلىمىز گۇلدەنە بەرسىن», – دەدى ەۇۋ ستۋدەنتى جاسۇلان ساحاي.
ماڭىزى مول مەرەكەنىڭ ءمانى كوپشىلىك اراسىندا كەڭىنەن ناسيحاتتالدى.
«وسىنداي ءىس-شارانىڭ ارقاسىندا كەز كەلگەن ۋاقىتتا مەملەكەتتىك رامىزدەرگە دەگەن قۇرمەت ارتادى. ءبىز مەملەكەتتىك رامىزدەرىمىزدى قۇرمەتتەۋگە مىندەتتىمىز. بۇل – تاۋەلسىزدىگىمىزدى ايشىقتايتىن نىشاندار. اكتسيا مەرەكەلىك كوڭىل-كۇي سىيلاپ قانا قويماي, پاتريوتتىق رۋح سىيلايدى», – دەدى ەلوردا تۇرعىنى ايگەرىم جۇمانعاليەۆا.
