5 شىلدە كۇنى ساعات 17.00-دە ەلورداداعى جاستار سارايىندا استانا قالاسى ىشكى ساياسات باسقارماسىنىڭ قولداۋىمەن «مەرەيلى وتباسى» ۇلتتىق بايقاۋىنىڭ قالالىق كەزەڭىنىڭ جەڭىمپازدارىن ماراپاتتاۋ ءراسىمى وتەدى, دەپ حابارلايدى astana-akshamy.kz
بيىل كونكۋرسقا قاتىسۋ ءۇشىن 238 وتباسى قۇجات تاپسىردى. ەڭبەك پەن سپورتتا, شىعارماشىلىق جانە زياتكەرلىك سالالاردا, عىلىم مەن ونەردە جەتىستىكتەرى بار وتباسىلار, سونداي-اق قوعامدىق پايدالى قىزمەتكە بەلسەندى ارالاساتىن وتباسىلار, كوپبالالى وتباسىلار, ەرەكشە بالالارى بار وتباسىلار, ارداگەرلەر, سونداي-اق ەڭبەك ادامدارى جانە شىعارماشىل اۋلەتتەر قاتىستى.
كونكۋرستىڭ نەگىزگى ماقساتتارى – وتباسى ينستيتۋتىن, ادامگەرشىلىكتى, رۋحانيلىقتى نىعايتۋ, جاۋاپتى نەكەنىڭ ماڭىزدىلىعىن مويىنداۋ; اتا-انالاردىڭ بالا تاربيەسىندەگى جاۋاپكەرشىلىگىن ارتتىرۋ; وتباسىلىق قۇندىلىقتاردى, كامەلەتكە تولعان بالالاردىڭ ەڭبەككە جارامسىز جانە قارت اتا-انالارعا قامقورلىعىن ناسيحاتتاۋ; قازاقستاندىق وتباسىنىڭ وڭ ءيميدجىن ناسيحاتتاۋ.
سالتاناتتى ماراپاتتاۋ كەزىندە «مەرەيلى وتباسى» ۇلتتىق بايقاۋىنىڭ قالالىق تۋرىنىڭ جەڭىمپازىنا 1 000 000 تەڭگە, 5 اۋدان جەڭىمپازدارىنا 500 000 تەڭگە سەرتيفيكاتارى, ال ۇزدىك 10 وتباسىعا باعالى سىيلىقتار تابىس ەتىلەدى.
«مەرەيلى وتباسى» ۇلتتىق بايقاۋى قازاقستاندا 2013 جىلدان بەرى جىل سايىن وتكىزىلىپ كەلەدى.
بايقاۋ ادامگەرشىلىك قاسيەتتەردى جانداندىرۋعا, وتباسى مارتەبەسى مەن قۇندىلىقتارىن ارتتىرۋعا باعىتتالعان.
