ەلوردا تۇرعىنى اياق كيىمىنىڭ ۇرلانعانىن ايتىپ پوليتسياعا ارىزداندى. ءوزىنىڭ ايتۋىنشا, قالاداعى مەشىتتەردىڭ بىرىندە بەلگىسىز بىرەۋ قۇنى 30 مىڭ تەڭگە تۇراتىن كروسسوۆكاسىن ۇرلاپ كەتكەن.
«كريمينالدىق پوليتسيا باسقارماسىنىڭ قىزمەتكەرلەرى جەدەل-ىزدەستىرۋ بارىسىندا بەينەباقىلاۋ كامەرالارىنا ءتۇسىپ قالعان 28 جاستاعى ەر ادامدى انىقتاپ, ۇستادى. ۆيدەودان ونىڭ سورە جانىنداعى اياق كيىمگە قاراپ تۇرعانىن كورۋگە بولادى. وزىنە ۇناعان اياق كيىمدى تاڭداپ كيىپ, مەشىتتەن شىعىپ كەتكەن. ەر ادام كىناسىن مويىندادى», — دەيدى استانا قالاسىنىڭ پوليتسيا دەپارتامەنتىنەن.
قازىر ۇرىنىڭ باسقا دا وسىنداي قىلمىستارعا قاتىسى بار-جوعى انىقتالىپ جاتىر.
«ەلوردا تۇرعىندارى مەن قوناقتارىنا قىراعى بولۋعا جانە باعالى زاتتاردى قاراۋسىز قالدىرماۋعا كەڭەس بەرەمىز», -دەيدى پوليتسيادان.
