Amanat پارتياسىنىڭ استانا قالالىق فيليالى «ۇلتتىق مۇرا» جوباسى اياسىندا اقىن مۇقاعالي ماقاتاەۆتىڭ تۋعان كۇنىنە وراي «ساعىنىشقا ورالۋ» اتتى ەسكە الۋ كەشىن ۇيىمداستىردى. ۇلتتىق-مادەني قۇندىلىقتاردى دارىپتەۋگە باعىتتالعان ءىس-شاراعا پارلامەنت دەپۋتاتتارى, بەلگىلى قالامگەرلەر جانە زيالى قاۋىم وكىلدەرى قاتىستى.
اقىن, جۋرناليست, پارلامەنت ءماجىلىسىنىڭ دەپۋتاتى جاناربەك ءاشىمجان وسى كەش تۋرالى, مۇقاعالي مۇراسى جايىندا ايتا كەلىپ, كەشتى وتكىزۋگە مۇرىندىق بولعان ءبازىلجان اۋلەتىنە Amanat پارتياسىنىڭ اتقارۋشى حاتشىسى شولپان كارينوۆانىڭ العىس حاتىن تاپسىردى.
«قازاق پوەزياسىنا ەرەكشە سەرپىن اكەلگەن شايىردىڭ تۋعان كۇنىنە وراي ۇيىمداستىرىلعان بۇل ءىس-شارانىڭ جاس ۇرپاققا بەرەرى مول. مۇقاعالي ماقاتاەۆ – شوقتىعى بيىك اقىن. ونىڭ سىرشىل ولەڭدەرى ميلليونداعان وقىرماننىڭ جۇرەگىنە جول تاپتى» دەدى Amanat پارتياسى استانا قالالىق فيليالىنىڭ اتقارۋشى حاتشىسى ساقتاعان سادۋاقاسوۆ.
كەش بارىسىندا اقىننىڭ ولەڭدەرى وقىلىپ, سوزىنە جازىلعان اندەر شىرقالدى. ءىس-شارانىڭ وتۋىنە ۇيىتقى بولعان اقىن داۋلەت ءبازىلجان مۇنداي كەشتەر ۇلتتىڭ ۇلى تۇلعالارىن حالىق جادىندا جاڭعىرتۋعا مۇمكىندىك بەرەتىنىن اتاپ ءوتتى. اقىن, سىنشى سۇراعان راحمەتۇلى, اقىن, گەرالديكالىق زەرتتەۋلەر ورتالىعىنىڭ ديرەكتورى قالقامان سارين ىزگى لەبىزىن جەتكىزدى.
