قازاقستاننىڭ نورۆەگياداعى ەلشىسى ءادىل تۇرسىنوۆ نورۆەگيانىڭ ستورتينگ (پارلامەنت) دەپۋتاتى مەن سىرتقى ىستەر جانە قورعانىس جونىندەگى تۇراقتى كوميتەتىنىڭ ءتورايىمى ينە ەريكسەن سيورەيدەمەن كەزدەستى, دەپ حابارلايدى astana-akshamy.kz
ەلشى ينە ەريكسەن سيورەيدەگە پرەزيدەنت قاسىم-جومارت توقاەۆتىڭ باستاماسىمەن ەلىمىزدە جۇرگىزىلىپ جاتقان ساياسي جانە ەكونوميكالىق رەفورمالاردىڭ جۇزەگە اسىرىلۋ بارىسى, قازاقستاننىڭ ساياسي ومىرىندەگى پارلامەنتتىڭ ءرولىن كۇشەيتۋ, سونداي-اق استانا مەن وسلو اراسىنداعى قاتىناستاردىڭ جاي-كۇيى مەن كەلەشەگى تۋرالى حاباردار ەتتى.
سۇحباتتاستار ەكىجاقتى دەڭگەيدە دە, كوپجاقتى ينستيتۋتتار شەڭبەرىندە دە قازاقستان-نورۆەگيا ىنتىماقتاستىعىنىڭ جالپى كونتەكستىندە پارلامەنتتىك ديپلوماتيانى جانداندىرۋدىڭ ماڭىزدىلىعىن اتاپ ءوتتى.
ءا. تۇرسىنوۆ ي. سيورەيدەنى تاراپتارعا قولايلى ۋاقىتتا ەلىمىزگە ساپارمەن كەلۋگە شاقىردى.
