«استانا وپەرا» تەاترى 18-19 مامىردا ەلوردا تۇرعىندارى مەن قوناقتارىنا XX عاسىردىڭ ايگىلى حورەوگرافى رولان پەتيدىڭ موريس جارردىڭ مۋزىكاسىنا شىعارعان «پاريج قۇداي اناسىنىڭ سوبورى» اڭىزعا اينالعان بالەتىن ۇسىنادى.
– مەن قازاقستانعا, استاناعا وسىناۋ كەرەمەت سپەكتاكلمەن قايتا كەلگەنىمە جانە «استانا وپەرا» بالەت ترۋپپاسىمەن جانە ونىڭ كوركەمدىك جەتەكشىسى التىناي اسىلمۇراتوۆامەن تاعى دا جۇمىس ىستەپ جاتقانىما قۋانىشتىمىن. ول مەنىڭ جاقىن دوسىم, ونىمەن بىرگە قىزمەت جاساعاندا ءوزىمدى جايلى سەزىنەمىن. «پاريج قۇداي اناسىنىڭ سوبورى» بالەتى قازاقستاندىق كورەرمەنگە ۇناعانىنا قۋانىشتىمىن, رولان پەتي دە بۇعان قۋانۋشى ەدى دەپ ويلايمىن, – دەدى لۋيدجي بونينو.
بۇل كۇندەرى «استانا وپەرا» تەاترىنىڭ سيمفونيالىق وركەسترى, بالەتى, حورى جانە ميمانسى «قۇرمەت» وردەنىنىڭ كاۆالەرى رۋسلان ءبايمۋرزيننىڭ جەتەكشىلىگىمەن ونەر كورسەتەدى. ال سپەكتاكلدىڭ باستى كەيىپكەرلەرىنىڭ بەينەلەرىن ەلوردالىق تەاتردىڭ تانىمال ارتىستەرى تانىستىرادى.
«استانا وپەراداعى» قويىلىم فرانتسيالىق «رولان پەتي بالەتتەرى» قورىمەن بىرگە جۇزەگە اسىرىلعان, قويىلىم ۇيلەستىرۋشىسى ءارى جارىق بويىنشا سۋرەتشىسى – جان-ميشەل دەزيرە. قويىلىم تەاتردىڭ ۇلكەن زال ساحناسىندا كورەرمەنگە جول تارتادى.
