دارىگەر – جاۋاپتى ماماندىق. اسىرەسە ەل باسىنا كۇن تۋعان پاندەميا كەزىندە اق حالاتتى ابزال جانداردىڭ كوتەرگەن جۇگى جەڭىل بولمادى. «جانارىڭدى سوندىرمەي شىراق بەرگەن, ءومىرىڭدى ۇزارتىپ قۋات بەرگەن» دارىگەرلەردىڭ ەڭبەگىن دارىپتەۋ, مەرەكە قارساڭىندا العىس ايتۋ ارتىق ەتپەيدى.
بارلىق سالا سياقتى مەديتسينا سالاسىندا دا قيىندىقتار مەن جەتىستىكتەر قاتار جۇرەدى. ۋاقىت تالابىنا ساي اۋرۋدى دەر كەزىندە انىقتايتىن دياگنوستيكا قۇرىلعىلارىنىڭ جەتىسپەۋى, اۋرۋحانا مەن ەمحاناداعى سارىلا كەزەك كۇتۋ, اۋرۋحاناعا جاتىپ ەمدەلۋدىڭ قيىندىعى, ءدارى-دارمەكتىڭ قىمباتتاۋى سەكىلدى ماسەلەلەر بارىن جوققا شىعارا المايمىز. شەتەل تاجىريبەسىن ورىندى-ورىنسىز تىقپالاۋدان مەديتسينا سالاسىن باسقارۋ جۇيەسى تۇبەگەيلى وزگەرىسكە ۇشىراپ, جۇرتشىلىقتىڭ نارازىلىعىن تۋدىردى. دەگەنمەن قازىرگى تاڭدا ول ولقىلىقتاردىڭ ورنى تولىپ, ىزگى قادامدار قولعا الىندى.
استانا قالاسى ارداگەرلەر كەڭەسىنىڭ «ارداگەرلەردىڭ دەنساۋلىعىن قورعاۋ» تۇراقتى كوميسسياسىنىڭ توراعاسى, پروفەسسور ۆ.شۆارتس ۇنەمى ارداگەرلەردىڭ حال-احۋالىن كوميسسيا نازارىندا ۇستاپ, قالا ەمحانالارىندا گەرونتولوگيا كابينەتىنە قىزمەت كورسەتۋ جونىندەگى باعدارلامانىڭ ورىنداۋىن ۇنەمى باقىلايدى.
بۇگىندە ەلوردادا حالىق تىعىز ورنالاسقان اۋدانداردا ەمحانالار اشىلۋدا. سونىڭ ءبىرى – «ەمحانا City» قىزمەت كورسەتۋ ورتالىعى. اشىلعانىنا از ۋاقىت بولسا دا, 90 مىڭعا جۋىق ادام تىركەلگەن. قالانىڭ 5 فيليالىندا 56 دارىگەر بولىمشەسى جۇمىس ىستەيدى. مۇندا ءتۇرلى ۋلترادىبىس قۇرىلعىلارى: رەنتگەن, فليۋوروگرافيا, ەندوسكوپيا, كومپيۋتەرلىك توموگرافيا بار. نەۆرولوگ, ەندوكرينولوگ, كارديولوگ, رەۆماتولوگ, تراۆماتولوگ, حيرۋرگ, ونكولوگ, گاستروەنتەرولوگ سياقتى دارىگەرلەر مەن تاجىريبەلى مەدبيكەلەر ەمدەلۋشىلەرگە قىزمەت كورسەتەدى. كۇندىزگى ستاتسيونار, وڭالتۋ ءبولىمى, امبۋلاتوريالىق حيرۋرگيا, ەمدىك ماسساج سەكىلدى قوسىمشا ەمدەۋ قىزمەتتەرى قولجەتىمدى. جاسى كەلگەن ەگدە ادامدار, زەينەتكەرلەر, ءجۇرىپ-تۇرۋى قيىن توپتاعىلار كەزەك كۇتىپ شارشاماۋى ءۇشىن بەلگىلەنگەن ەرەجە بار. ارنايى ۋچاسكەلىك دارىگەر ونداي ادامداردىڭ ۇيىنە بارىپ, ءتيىستى ەم-دوم جاسايدى. ەسەپتە تۇراتىندارعا تەگىن دارىلەر بەرىلەدى. بەلگىلى ءبىر مامانعا تىركەلۋ ءۇشىن كوپ كۇتتىرمەۋدىڭ جولى قاراستىرىلعان. قازىرگى زەينەتكەرلەر بەلسەندى ۇزاق ءومىر ءسۇرۋ ورتالىقتارىنا بارىپ, پايدالى ىسپەن شۇعىلدانادى.
ەمحانانىڭ باس دارىگەرى ايگەرىم وسپانوۆا – جاس بولسا دا, بىلىكتى باسشى. ەمحانانىڭ ەمدەۋ ءىسى جونىندەگى ورىنباسارى ەلميرا سايلاۋقىزى, ۇيىمداستىرۋ-ۇيلەستىرۋ جۇمىسىن جەتىك بىلەتىن يليا شيروكوۆ, ءبولىم مەڭگەرۋشىلەرى گۇلزات قالدىبەكوۆا, جانگۇل اليكەەۆا, دارىگەر-ۋرولوگ سارسەن دوعامبەكوۆ, باس مەيىربيكە ساۋلە تەجەكەنەۆا, مەيىربيكە كۇلاش توكەنوۆا, رەنتگەن-لابورانت, فەلدشەر قاراباي المۋحاممەدالي, ەكسپەرت عاليا ءابديرومانوۆا سەكىلدى دارىگەرلەرگە ارداگەرلەر اتىنان العىس ايتامىز.
قارلىعاش قۇسپانوۆا,
استانا قالالىق
ارداگەرلەر كەڭەسىنىڭ مۇشەسى
