ەلوردالىق ماسليحاتقا پاۆلودار وبلىسى ءماسليحاتتارىنىڭ دەپۋتاتتارى كەلدى, دەپ حابارلايدى astana-akshamy.kz
بۇل تۋرالى قالالىق ءماسليحات توراعاسى ەرلان كاناليموۆ الەۋمەتتىك جەلىدەگى پاراقشاسىندا ايتتى.
جۇمىس ساپارى بارىسىندا دەپۋتاتتار تاجىريبە الماستى. ەلوردا قوناقتارىن iKomek قالالىق مونيتورينگ جانە جەدەل دەن قويۋ ورتالىعىنىڭ جۇمىسىمەن تانىستىردى, سونداي-اق «Sana» جاڭا بۋىن وقۋشىلار سارايىنا باردى.
دەپۋتاتتار قازاقستان رەسپۋبليكاسى ءماسليحاتتارىنىڭ 30 جىلدىعىنا ارنالعان ءىس-شارالار جوسپارىن تالقىلاپ, بىرلەسكەن جوبالار تۋرالى ۇسىنىستار ايتتى.
«اعىمداعى جىلدىڭ قاڭتار ايىندا استانا مەن پاۆلودار وبلىسىنىڭ ءماسليحاتتارى اراسىندا يننوۆاتسيالىق جوبالاردى بىرلەسىپ ىسكە اسىرۋدى, تاجىريبە, اقپارات الماسۋدى, ءتيىستى اۋماقتاردا ءوز قۇزىرەتى شەگىندە ۇسىنىستار ەنگىزۋدى جانە قاراۋدى كوزدەيتىن ىنتىماقتاستىق تۋرالى مەموراندۋمعا قول قويىلدى», — دەپ جازدى ەرلان كاناليموۆ.
