ءورت سوندىرۋشىلەر وقيعا ورنىنا سۋسىز كەلگەنى راس پا؟
استاناداعى تۇرعىن ۇيلەردىڭ بىرىنەن ءورت شىقتى, astana-akshamy.kz
الەۋمەتتىك جەلىدە ءورت سوندىرۋشىلەر وقيعا ورنىنا سۋسىز كەلگەنى تۋرالى اقپارات پايدا بولدى.
ء«ورت 40 مينۋت ىشىندە تولىعىمەن ءسوندىرىلدى. زارداپ شەككەندەر مەن قۇرباندار جوق. سونداي-اق, ءورت سوندىرۋشىلەر كەلگەننەن كەيىن جاۋىنگەرلىك ورىستەتۋ جۇرگىزىلگەنىن, ءورت ءسوندىرۋ تەحنيكاسى تولىق دايىندىقپەن جانە سۋمەن كەلگەنىن حابارلايمىز», – دەلىنگەن حابارلامادا.
تجم ءباسپاسوز قىزمەتى Tengrinews.kz تىلشىسىنە تۇرعىن ۇيدە ءبىر پاتەر مەن ءتورت بالكون ورتەنگەنىن, ياعني جانعان بالكوننان شىققان ءتۇتىن كورشىلەرگە تارالعانىن ءتۇسىندىردى. بۇل الەۋمەتتىك جەلىلەردەگى كادرلاردان كورىنەدى.
بۇدان بولەك, مينيسترلىك وكىلدەرى ءورت سوندىرۋشىلەر وقيعا ورنىنا ەشقاشان سۋسىز بارمايتىنىن جەتكىزدى. توتەنشە جاعدايدى جويۋعا دايىن بولماعانى ءۇشىن ولار قىلمىستىق جاۋاپكەرشىلىككە دەيىن اۋىر جاۋاپكەرشىلىككە تارتىلۋى مۇمكىن.