قازاقستان مەن وڭتۇستىك كورەيا ەلدەرى اراسىنداعى اۋە رەيستەرىنىڭ سانى ارتىپ, جاڭا اۋە باعىتتارى اشىلادى, دەپ حابارلايدى astana-akshamy.kz.
سەۋلدە (كورەيا رەسپۋبليكاسى) قازاقستان رەسپۋبليكاسى كولىك ۆيتسە-ءمينيسترى تالعات لاستاەۆتىڭ كورەيا رەسپۋبليكاسى جەر, ينفراقۇرىلىمى جانە كولىك ءمينيسترىنىڭ ورىنباسارى يۋن سانگ ليمەن ەكىجاقتى كەزدەسۋى ءوتتى.
كەزدەسۋ بارىسىندا تاراپتار استانا مەن سەۋل اراسىنداعى رەيستەردى قايتا باستاۋ, الماتى – سەۋل باعىتى بويىنشا ورىندالاتىن رەيستەردى ۇلعايتۋ, سونداي-اق شىمكەنتتەن سەۋلگە جانە پۋسان مەن قازاقستان قالالارى اراسىنداعى رەيستەردى اشۋ ماسەلەسىن تالقىلاپ ۋاعدالاستى.
سونىمەن قاتار, تالعات لاستاەۆ
T’ Way تومەن بيۋدجەتتىك اۋە كومپانياسىنىڭ جانە Sirius Airlines جۇك اۋە كومپانياسىنىڭ باسشىلىعىمەن كەزدەسۋلەر وتكىزدى. كەزدەسۋ بارىسىندا كورەيالىق تاسىمالداۋشىلار قازاقستانعا ۇشۋعا نيەتتى ەكەنىن ءبىلدىردى.
