استانا وقۋشىلارى اراسىندا بالالار لاگەرىنە جولدامالار ويناتىلا باستادى, دەپ حابارلايدى astana-akshamy.kz
ەلوردادا «تازا قازاقستان» ەكولوگيالىق اكتسياسى ءوتىپ جاتىر. قالا تۇرعىندارى مەن قوناقتارى سەنبىلىكتەر مەن ەكواكتسيالارعا بەلسەندى قاتىسىپ, قالانىڭ دامۋى مەن تازالىعىنا ۇلەس قوسۋدا.
وسى ورايدا, استانا قالاسىنىڭ ءبىلىم باسقارماسى وقۋشىلار اراسىندا ۇزدىك سۋرەت بايقاۋىن جاريالادى. بايقاۋدىڭ تاقىرىبى – «تازا قازاقستان» ەكواكتسياسى, قالا مەن تابيعاتقا ۇقىپتى قاراۋ. بايقاۋ 25 ماۋسىمنان 7 شىلدەگە دەيىن جالعاسادى. 10 شىلدەدە بايقاۋ قورىتىندىسى شىعادى. ءۇش جەڭىمپازعا بالالار لاگەرىنە جولداما بەرىلەدى.
بايقاۋعا قاتىسۋشىلار Instagram-داعى استانا اكىمدىگىنىڭ رەسمي اككاۋنتىنا (@akimat__astana) جازىلىپ, Instagram-دا سۋرەتتەر جاريالاپ, ونى #تازااستانا, #ەكواكتسيااستانا حەشتەگتەرىمەن بەلگىلەۋى قاجەت (جاريالانىم بولۋى كەرەك, stories جارامايدى).
