استانادا «وقۋشىلار سارايىندا» ەسىرتكى جارنامالاعان QR كود انىقتالدى, دەپ حابارلايدى astana-akshamy.kz
بۇعان دەيىن وقۋشىلار سارايى ەسىگىنىڭ ىشكى جاقتاۋىنا ەسىرتكى تاراتىلاتىن مەكەنجاي كورسەتىلگەن QR كود ىلىنگەنى تۋرالى ايتىلعان ەدى.
«ءماجىلىس دەپۋتاتى جۇلدىز سۇلەيمەنوۆامەن ءبىر جۇمىس توبىندامىز. وقۋشىلار سارايىنا ءوز باسىم بارىپ تەكسەرىپ كوردىم, راسىندا دا QR كود ەسىرتكىنى تاراتۋعا قاتىستى بولىپ شىقتى, ءبىز ونى تەز ارادا الىپ تاستادىق. بىزدەگى مالىمەت بويىنشا, قازىر قۇقىق قورعاۋ ورگاندارى ماسەلەنىڭ ءمان-جايىن سارالاپ جاتىر», – دەدى «ESBOL» قورىنىڭ توراعاسى جاندوس اقتاەۆ Kazinform اگەنتىگى ءتىلشىسىنىڭ سۇراعىنا جاۋاپ بەرە تۇرىپ.
ەسكە سالا كەتەيىك, ءماجىلىستىڭ جالپى وتىرىسىندا دەپۋتات جۇلدىز سۇلەيمەنوۆا ەسىرتكىنىڭ QR كود ارقىلى تارالىپ جاتقانىن ايتقان ەدى.
«قازىر QR كود ارقىلى سينتەتيكالىق ەسىرتكىلەردىڭ تارالۋى كوپ تارالىپ جاتىر. مىسالى, وبلىس ورتالىعىندا كوشە اتاۋى جازىلعان تاقتايشاداعى QR كودتى باسقان كەزدە, ەسىرتكى تارالاتىن مەكەنجايلار بايقالعان, تاعى ءبىر وقيعا كەشە عانا الەۋمەتتىك جەلىدە ايتىلىپ جاتىر, استانا قالاسىنداعى وقۋشىلار سارايى ەسىگىنىڭ ىشكى جاقتاۋىنا QR كود ىلىنگەن, ونى اشىپ قاراسا ەسىرتكى تاراتىلاتىن مەكەنجاي كورسەتىلگەن. وسى ورايدا اقپاراتتىق قاۋىپسىزدىك ماقساتىندا قانداي ءىس-شارالار قولداناسىزدار؟» – دەپ جۇلدىز سۇلەيمەنوۆا ءىىم وكىلىنە ساۋال قويدى.
سۋرەت: kaz.inform.kz
