ورتا ءبىلىم تۋرالى اتتەستات Egov Mobile قوسىمشاسىنان بەرىلە باستادى, دەپ حابارلايدى astana-akshamy.kz.
تسيفرلىق قۇجاتتاردىڭ قاتارى نەگىزگى ورتا جانە جالپى ورتا ءبىلىم تۋرالى اتتەستاتپەن تولىقتى. ول ەندى eGovMobile ءموبيلدى قوسىمشاسىنداعى «Bilim» جاڭا قىزمەت كورسەتۋ سەرۆيسىندە قولجەتىمدى, دەپ حابارلايدى قازاقستان رەسپۋبليكاسى وقۋ-اعارتۋ مينيسترلىگىنىڭ ءباسپاسوز قىزمەتى.
«وسى جىلدان باستاپ مەكتەپ تۇلەكتەرى اتتەستاتتارىن تسيفرلىق نۇسقادا الا باستايدى. ول ءۇشىن eGovMobile ءموبيلدى قوسىمشاسىنداعى «Bilim» سەرۆيسىنە ءوتۋ كەرەك, مۇندا «مەنىڭ بالالارىم» بولىمىندە اتا-انالار مەن زاڭدى وكىلدەرى ءۇشىن كامەلەتكە تولماعان بالالاردىڭ قۇجاتتارى قولجەتىمدى بولادى», – دەيدى تسيفرلاندىرۋ دەپارتامەنتى ديرەكتورىنىڭ مىندەتىن اتقارۋشى مايرا مارالباەۆا.
ەستەرىڭىزگە سالا كەتەيىك, وسىدان ءبىر اي بۇرىن قر وقۋ-اعارتۋ مينيسترلىگى eGovMobile ءموبيلدى قوسىمشاسىندا «Bilim» جاڭا سەرۆيسىن ىسكە قوسقان بولاتىن. مۇندا ءبىلىم تۋرالى مالىمەتتەر, تسيفرلىق قۇجاتتار بەرىلگەن بىرنەشە ءبولىم بار. ال ءبىر جىل بۇرىن قوسىمشادا كوللەدج ديپلومدارى QR-كودپەن بەرىلە باستادى.
