«ويۋلار جىرلايدى»

استاناداعى №91 مەكتەپ-گيمنازياسىندا ەتنو-لاگەر اياسىندا «ويۋلار جىرلايدى» اتتى ەتنوفەستيۆال ءوتتى, دەپ حابارلايدى astana-akshamy.kz

ءىس-شاراعا قالاداعى وزگە مەكتەپتەگى لاگەرلەردەن بالالار قاتىستى.

«جاز باستالعالى بەرى بالالارعا سالت-ءداستۇردى, ناسيحاتتاپ, ولاردىڭ بويىنا ەلجاندىلىقتى قالپىپتاستىرىپ كەلەمىز. مۇنداعى ماقسات – ولاردىڭ بويىنا ۇلتتىق قۇندىلىقتى ءسىڭىرۋ جانە تەرەڭىرەك ءتۇسىندىرۋ. بۇگىنگى فەستيۆالگە 1-8-سىنىپ ارالىعىنداعى وقۋشىلار قاتىسىپ جاتىر. جالپى بالالاردىڭ قىزىعۋشىلىعى وتە جاقسى», – دەدى №91 مەكتەپ-گيمنازياسىنىڭ مۇعالىمى گۇلشات ەلەۋكەنوۆا.

مۇندا ارنايى كيىز ءۇي قۇرىلعان. ال ءىشى ەرەكشە بەزەندىرىلىپ, قاجەتتى زاتتار قويىلعان. «بابالار اماناتى» تاريحي-مادەني قوعامدىق قورىنىڭ اق كيمەشەكتى اجەلەرى قۇراق كورپە تىگىپ, ۇرشىق ءيىردى.

ال سىرتتا بالالار توعىزقۇمالاق ويناپ, اۋىلداعىداي لاڭگى تەۋىپ, اسىق اتتى.

«ماعان جازعى ەتنولاگەر ۇنايدى. سەبەبى مۇندا قازاقتىڭ سالت-داستۇرىمەن, ۇلتتىق ويىندارمەن تانىسامىز. اجەلەر مەن تاربيەشىلەر بىزگە قولونەرمەن اينالىسۋعا ۇيرەتەدى. سونداي-اق ولار ويۋلاردىڭ تۇرلەرىمەن تانىستىرىپ, قۇراق كورپە تىگۋدى كورسەتتى», – دەيدى №91 مەكتەپ-گيمنايزياسىنىڭ 6-سىنىپ وقۋشىسى ايشا گاستەللو.

بيىل جازعى دەمالىستىڭ بارلىق تۇرىمەن 1-10 سىنىپتاردىڭ 200 مىڭنان استام وقۋشىسى قامتىلاتىنىن اتاپ وتكەن ءجون.