استانا قالالىق ادىستەمەلىك ورتالىعىنىڭ ۇيىمداستىرۋىمەن ەلوردالىق ۇستازدار اراسىندا وتكىزىلگەن №59 مەكتەپ-ليتسەيىندە ءپان پەداگوگتارىنا ارنالعان I قالالىق وليمپيدانىڭ جابىلۋ سالتاناتى ءوتتى. وعان مەكتەپ ديرەكتورلارى مەن مۇعالىمدەر قاتىستى.
ءىس-شارانىڭ ماقساتى – مۇعالىمدەردىڭ كاسىبي بىلىكتىلىگىن ارتتىرۋ, ولاردى قولداۋ, ىنتالاندىرۋ جانە ۇزدىك پەداگوگتاردى انىقتاۋ بولدى. وليمپياداعا بارلىق پاندەر بويىنشا 1000-عا جۋىق پەداگوگتار قاتىستى. بارلىق قاتىسۋشىلار سەرتيفيكاتپەن, ال 307 وليمپيادا جەڭىمپازدارى مەن جۇلدەگەرلەرى I, II جانە III دارەجەلى ديپلومدارمەن ماراپاتتالىپ, ەستەلىك سىيلىقتار تابىس ەتىلدى. ادىستەمەلىك ورتالىق باسشىسىنىڭ ورىنباسارى الما مۇحامەدجانوۆا بارلىق جەڭىمپازداردى قۇتتىقتاپ, بولاشاقتا بۇل جەڭىستىڭ بيىك بەلەستەرگە اپاراتىن جولداردىڭ ءبىرى ەكەندىگىن اتاپ ءوتتى.
ى.التىنسارين اتىنداعى ۇلتتىق ءبىلىم اكادەمياسى جمب جانە Stem تەحنولوگيا زەرتحاناسىنىڭ باس عىلىمي قىزمەتكەرى, پروفەسسور وردەنبەك مازباەۆ, «ورلەۋ» بىلىكتىلىكتى ارتتىرۋ ۇلتتىق ورتالىعى» اكتسيونەرلىك قوعامى «استانا قالاسى بويىنشا كاسىبي دامۋ ينستيتۋتى وقۋ ءبولىمى فيليالىنىڭ» باسشىسى كۇنسۇلۋ يسەنتاەۆا مەن «استانا قالاسى بويىنشا كاسىبي دامۋ ينستيتۋتى وقۋ ءبولىمى فيليالىنىڭ اعا وقىتۋشىسى ءلايلا بورانباەۆا, №9 «زەردە» مامانداندىرىلعان ليتسەيى ديرەكتورىنىڭ وقۋ ءىسى جونىندەگى ورىنباسارى, قازاقستان رەسپۋبليكاسى ءبىلىم بەرۋ ءىسىنىڭ قۇرمەتتى قىزمەتكەرى, قازاقستاننىڭ ەڭبەك سىڭىرگەن ۇستازى گۇلنازيا بايۋلوۆا ءپان وليمپياداسىنىڭ قۇرمەتتى قوناعى بولدى. جەڭىمپازداردىڭ قۇرمەتىنە استانا قالاسىنىڭ مۋزىكا ءپانى مۇعالىمدەرى ونەر كورسەتتى. ءىس-شارانىڭ سوڭى مۋزىكا ءپانى مۇعالىمدەرىنەن قۇرالعان حوردىڭ «جاينا استانا» جانە «ۇستازىم» انىمەن ورىنداۋىمەن اياقتالدى.
مۇعالىمدەردىڭ بىلىكتىلىگىن جەتىلدىرىپ وتىرۋ – زامان تالابى. مۇعالىمدەر اراسىنداعى بۇل سايىس پەداگوگتاردىڭ ءوز ماماندىقتارىنا دەگەن سۇيىسپەنشىلىگىن ارتتىرىپ, بىلىمدەرىن دامىتۋعا ىقپال ەتەدى.
