پاتەرىن جالعا بەرگەن ازامات جەكە كاسىپكەر رەتىندە تىركەلۋگە مىندەتتى مە؟
![](https://astana-akshamy.kz/wp-content/uploads/2024/06/190910162028155a3564308i.jpg)
قازىر پاتەرىن جالعا بەرىپ, ونى تابىس كوزىنە اينالدىرىپ وتىرعان ادام كوبەيگەن, دەپ حابارلايدى astana-akshamy.kz
مۇنداي كاسىپپەن اينالىساتىندار دارا كاسىپكەر رەتىندە تىركەلىپ, سالىق تولەۋى كەرەك پە؟ زاڭگەر باۋىرجان سەرالين جاۋاپ بەردى.
ماماننىڭ ايتۋىنشا, كەلەسىدەي شارتتار ورىندالسا, ءسىز جەكە كاسىپكەر رەتىندە تىركەلۋگە مىندەتتى ەمەسسىز:
- سىزدە جۇمىس ىستەيتىن قىزمەتكەر جوق;
- پاتەرىڭىزدى تەك جەكە تۇلعاعا جالعا بەرىپ وتىرسىز;
- ءسىزدىڭ جىلدىق كىرىسىڭىز 1175 اەك-تەن, ياعني 4 053 750 تەڭگەدەن اسپايدى.
بۇل رەتتە تۇرعىن ءۇيدى قوسپاعاندا, مۇلىكتى مۇلىكتىك جالداۋعا (جالعا الۋعا) بەرەتىن ادامدار بجت تولەۋشىلەر رەتىندە تانىلمايدى. تۇرعىن ءۇي – بەلگىلەنگەن تەحنيكالىق, سانيتارلىق جانە باسقا دا مىندەتتى تالاپتارعا جاۋاپ بەرەتىن, تۇراقتى تۇرۋعا ارنالعان جانە پايدالانىلاتىن جەكە تۇرعىن ءۇي بىرلىگى.
بجت تولەيتىن ازامات تۇرعىن ەمەس (كوممەرتسيالىق) ءۇي-جايدى جالعا بەرە المايدى. ياعني بجت تولەۋشىگە مۇلىكتى زاڭدى تۇلعاعا جالعا بەرۋگە تىيىم سالىنادى.
«وسىنداي جاعدايلار بولسا, ءسىز قر سالىق كودەكسىنىڭ 774-بابىندا كورسەتىلگەن بىرىڭعاي جيىنتىق تولەمدى تولەي الاسىز. بۇل تولەمدى ەگەر ءسىز قالادا تۇراتىن بوسلاڭىز ايىنا 1 اەك(3 450 تەڭگە), ال اۋىلدى جەردە تۇراتىن بولساڭىز 0,5 اەك(1 725 تەڭگە) مولشەرىندە جاسايسىز», – دەيدى زاڭگەر.