ەلوردالىق پارا سپورتشىلار ءالي تۇرعانبەكوۆ پەن ەرسۇلتان نامەتۋللاەۆ ەلگە ورالدى. سپورتشىلاردى وتباسى مەن دوستارى, مۇمكىندىگى شەكتەۋلى تۇلعالارعا ارنالعان «ەلوردا» سپورت كلۋبىنىڭ قىزمەتكەرلەرى قارسى الدى, دەپ حابارلايدى astana-akshamy.kz.
ايتا كەتەيىك, فرانتسيانىڭ ليموج قالاسىندا پارا جۇزۋدەن وتكەن الەمدىك سەريا 3-10 ماۋسىم ارالىعىندا ءوتتى. جارىسقا 37 ەلدەن 200-دەن استام سپورتشى سىنعا ءتۇستى.
ۇلتتىق قۇراما قاتارىندا ونەر كورسەتكەن ءالي تۇرعانبەكوۆ 2-ورىن, ەرسۇلتان نامەتۋللاەۆ 3-ورىن يەلەندى. اتالمىش دودا جاس سپورتشىلاردىڭ العاشقى حالىقارالىق دارەجەدەگى جارىسى.
«بۇل مەنىڭ العاشقى حالىقارالىق جارىسىم. قوبالجۋ, تولقۋ بولدى. قۇرامانىڭ جاتتىقتىرۋشىلارى مەن كوماندا مۇشەلەرىنىڭ قولداۋى وڭ ناتيجەسىن بەردى. ەرسۇلتان ەكەۋمىز ءۇشىن پارا جۇزۋدەن وتكەن الەمدىك سەريا ۇلكەن تاجىريبە بولدى. ءبىزدى قولداپ, قارسى العاندارىڭىز ءۇشىن العىس بىلدىرەمىز», – دەدى ءالي تۇرعانبەكوۆ.
