استانا, الماتى جانە شىمكەنت قالالارى مەن پاۆلودار, شىعىس قازاقستان, قاراعاندى, اقتوبە, باتىس قازاقستان, قوستاناي جانە سولتۇستىك قازاقستان وبلىستارىندا STEM مۇعالىمدەرىنە ارنالعان 3D-مودەلدەۋ جانە روبوتوتەحنيكا بويىنشا تەگىن ترەنينگ باستالدى, دەپ حابارلايدى astana-akshamy.kz.
«200 مەكتەپ مۇعالىمى اپتالىق وقۋدان وتەدى. ولار ءۇشىن 3D مودەلدەۋ جانە روبوتوتەحنيكا نەگىزدەرى وقىتىلادى. سونداي-اق جوبالاردى قۇرۋ جانە ىسكە اسىرۋ ءۇشىن Autodesk 123D Design باعدارلاماسىن پايدالانۋ ۇيرەتىلەدى. مەنتورلىق پەن ترەنينگتى ينفورماتيكا, روبوتوتەحنيكا جانە 3D-مودەلدەۋ سالاسىنداعى ساراپشىلار, ونىڭ ىشىندە مۇعالىمدەر, ۋنيۆەرسيتەت وقىتۋشىلارى جانە روبوتوتەحنيكا كلۋبتارىنىڭ باسشىلارى جۇرگىزەدى», – دەپ اتاپ ءوتتى «دارىن» رعپو ديرەكتورىنىڭ ورىنباسارى ايگۇل قارقۇلوۆا.
ترەنينگ سوڭىندا فينالدىق تۋرنير وتەدى. وندا قاتىسۋشىلاردىڭ جەتىستىكتەرى مەن شىعارماشىلىق جۇمىستارى كورسەتىلەدى. مۇعالىمدەر وقۋشىلارمەن بىرگە كوماندالار قۇرا وتىرىپ, ءوز جوبالارىن ۇسىنادى.
جوبا قازاقستانداعى اقش ەلشىلىگىنىڭ قولداۋىمەن جانە قر وقۋ-اعارتۋ مينيسترلىگى «دارىن» رعپو-مەن ىنتىماقتاستىقتا ۇيىمداستىرىلدى.
