قر عىلىم جانە جوعارى ءبىلىم ءمينيسترى ساياسات نۇربەك بەيجىڭ ءتىل جانە مادەنيەت ۋنيۆەرسيتەتىنىڭ استاناداعى فيليالى اشىلاتىنىن مالىمدەدى. بۇل جوو-دا پرەزيدەنت قاسىم-جومارت توقاەۆ قىتاي ءتىلىن ۇيرەنگەن, دەپ حابارلايدى astana-akshamy.kz.
«قحر توراعاسىنىڭ ساپارى اياسىندا بىزدە بەيجىڭ ءتىل جانە مادەنيەت ۋنيۆەرسيتەتىنىڭ فيليالى اشىلادى. بۇل –قىتايدىڭ لينگۆيستيكالىق, اۋدارما جانە پەداگوگيكالىق جەتەكشى ۋنيۆەرسيتەتى. ونى «قىتايداعى بۇۇ» دەپ تە اتايدى. بۇل ۋنيۆەرسيتەتتىڭ باس تۇلەگى – ءبىزدىڭ پرەزيدەنت قاسىم-جومارت كەمەلۇلى. پرەزيدەنت سول جەردە قىتاي ءتىلىن ۇيرەنگەن. رەسمي اشىلۋ شىلدە ايىنىڭ باسىندا بولادى جانە مۇندا العاشقى HSK سەرتيفيكاتتاۋ ورتالىعى اشىلادى. بۇل – TOEFL نەمەسە IELTS سياقتى قىتايلىق سەرتيفيكات. سوندىقتان قىتاي ءتىلىن ۇيرەنەتىندەرگە ەشقايدا بارۋدىڭ قاجەتى جوق, استانادا سىناق تاپسىرا الادى», – دەدى مينيستر ساياسات نۇربەك.
ايتا كەتەيىك, جاڭا ۋنيۆەرسيتەت فيليالى ەكسپو اۋماعىندا ورنالاسقان.
