ەلورداداعى №11 ەمحانادا پسوريازدىڭ جانە قىزىل جەگىنىڭ الدىن الۋ جانە ەمدەۋ بويىنشا «اشىق ەسىك كۇنى»وتتى, دەپ حابارلايدى astana-akshamy.kz.
ءىس-شارانى lupus قاۋىمداستىعىنىڭ دارىگەرلەرى وتكىزدى. اشىق ەسىك كۇنىنە پسورياز جانە قىزىل جەگى اۋرۋلارىنا شالدىققان پاتسيەنتتەر كەلدى.
جۇيەلى قىزىل جەگى – سوزىلمالى اۋتويممۋندى اۋرۋ. ول اعزاعا, اسىرەسە, تەرىگە, بۋىندارعا, قانتۇزىلىم جۇيەسىنە, بۇيرەككە جانە ورتالىق جۇيكە جۇيەسىنە اسەر ەتۋى مۇمكىن. كەيدە قىزىل جەگى وتباسىلىق سيپاتتا بولۋى مۇمكىن, سوندىقتان بۇل اۋرۋدىڭ دامۋ ىقتيمالدىعى ارتادى. ول جۇقپالى اۋرۋ ەمەس.
قىزىل جەگىمەن اۋىراتىن ادامدار ەمدەلە باستاعاننان كەيىن ولار قالىپتى ءومىر سۇرە الادى. اۋرۋدىڭ بەتى قايتا باستاعان كەزدەن تۇراقتى تۇردە جاتتىعۋلار جاساعان دۇرىس. جاياۋ, ۆەلوسيپەد تەبۋ, ءجۇزۋ جانە باسقا اەروبتى سپورت تۇرلەرى نەمەسە اشىق اۋادا سەرۋەندەگەن ءجون. قىزىل جەگىمەن اۋىراتىن ناۋقاستار دۇرىس تاماقتانۋى كەرەك. اۋرۋ ءورشىپ كەتپەس ءۇشىن ناۋقاس كۇن ساۋلەسىنەن قورعايتىن كرەم جاعىپ, ۆيرۋستىق ينفەكتسيالار, سترەسس, گورمونالدى جانە باسقا دا ءدارى-دارمەكتەردەن اۋلاق بولعانى ءجون.
ال, پسورياز – بۇل كەڭ تارالعان تەرىنىڭ قىزاۋىمەن جانە تىتىركەنۋىمەن كورىنەتىن تەرى اۋرۋى. پسوريازبەن اۋىراتىن كوپتەگەن ادامداردا تەرىسىنىڭ قالىڭداۋى, قىزارۋى جانە تەرىدە قاتپارلانعان قابىرشاقتانعان اقشىل-جىلتىر داقتار پايدا بولادى.
پسوريازبەن 15-35 جاس ارالىعىندا كەز كەلگەن ادام اۋرۋى مۇمكىن. ادام پسوريازدى بىرەۋدەن جۇقتىرىپ الا المايدى جانە اينالاسىنا جۇقتىرا المايدى. پسورياز تۇقىم قۋالاۋ ارقىلى بەرىلەدى. دارىگەرلەر اۋتويممۋندى رەتىندە سانايدى. يممۋندىق جۇيە قاتەلەسىپ, اعزانىڭ ساۋ تىندەرىن بۇزىپ قابىنۋىن شاقىرادى.
