استانا قالاسىنىڭ دەنە شىنىقتىرۋ جانە سپورت باسقارماسى قاجىمۇقان مۇڭايتپاسوۆ اتىنداعى ستاديوندى بۇزىپ, ونىڭ ورنىنا جاڭا جابىق ءتيپتى ستاديون سالۋ تۋرالى شەشىم قابىلداعانىن مالىمدەدى, دەپ حابارلايدى astana-akshamy.kz.
ستاديون ۋەفا ستاندارتىنا سايكەس 4 500 ورىندىق, ويىن الاڭى 7 140 شارشى مەتر, ولشەمى 105 مەتردەن 68 مەترگە دەيىن بولادى
– قاجىمۇقان مۇڭايتپاسوۆ اتىنداعى ستاديوندى قايتا جاڭعىرتۋ ورنىنا تولىق دەمونتاج جاساپ, جاڭا ستاديون سالۋ جوسپارلانىپ وتىر. بۇل قۇرىلىس-مونتاجداۋ جۇمىستارىنىڭ مەرزىمىن ۇزارتادى. جابىق ۇلگىدەگى جوبانى ىسكە اسىرۋ تۋرالى شەشىم قابىلداندى. وسىعان بايلانىستى جوبالاۋ جۇمىستارى جۇرگىزىلىپ جاتىر. ستاديوننىڭ جاڭا ەسكيزى دايىن, – دەدى استانا قالاسى دەنە شىنىقتىرۋ جانە سپورت باسقارماسىنىڭ ءباسپاسوز حاتشىسى ءمادينا ايتقاليەۆا.
ونىڭ ايتۋىنشا, ستاديون جوباسى ۋەفا ستاندارتتارىنىڭ 3-ساناتى بويىنشا 4 500 ورىندىق, ويىن الاڭى140 شارشى مەتر, ولشەمى 105 مەتردەن 68 مەترگە دەيىن بولادى. قازىرگى كەزدە الدىن الا جوباسىن دايىنداۋ جۇمىسى بولىپ جاتىر. ستاديوننىڭ الدىن الا جوباسىنا كەلىسىم العاننان كەيىن ول مەملەكەتتىك ساراپتاما پورتالىنا شىعادى. مەملەكەتتىك ساراپتامانىڭ وڭ قورىتىندىسىن العاننان كەيىن ستاديون سالىنادى.
