استانانىڭ اپتالاپ جاۋعان اق ۇلپاسى قالانىڭ كوممۋنالدىق سالا قىزمەتىنىڭ جۇمىسىن كۇشەيتتى. بۇگىندە ەلوردادا قار كۇرەۋ ءىسى قىزا ءتۇستى. جولدار ارشىلىپ, اۋلالار مەن كوشەلەردى قاردان تازارتۋ كۇن تارتىبىندەگى نەگىزگى ماسەلەنىڭ بىرىنە اينالدى. وسى جۇمىسقا 1600-دەن استام ارنايى تەحنيكا مەن 2500-گە جۋىق جول جۇمىسشىسى جۇمىلدىرىلدى.
قاردىڭ ۇزدىكسىز جاۋىنا بايلانىستى باس قالانىڭ كوممۋنالدىق قىزمەتى تاۋلىك بويى كۇشەيتىلگەن رەجيمدە جۇمىس ىستەپ جاتىر. سوڭعى تاۋلىكتە شاھار اۋماعىنان شامامەن 50 مىڭ تەكشە مەتر قار شىعارىلدى, قار پوليگونىنا جونەلتىلگەن رەيس سانى 3444-كە جەتتى.
تۇنگى اۋىسىمدا 1500-دەن استام ارنايى تەحنيكا مەن 400-گە جۋىق جول جۇمىسشىسى كوشەلەردىڭ قارىن كۇرەۋگە شىقتى. ولار تروتۋارلاردى, قوعامدىق ورىنداردى, قوعامدىق كولىك ايالدامالارىن, جەرۇستى وتكەلدەرىن تازالاۋدا.
بۇگىنگى تاڭدا الماتى اۋدانىندا جولدارداعى كولىك قاتىناسىنىڭ ۇزىلمەۋىن جانە جول قاۋىپسىزدىگىن ساقتاۋ ماقساتىندا ارنايى تەحنيكالار جۇمىلدىرىلىپ, قار تازالاۋ جۇمىسى قىزۋ جۇرگىزىلۋدە. بۇل رەتتە اۋدان اكىمدىگى اپپاراتى ءوندىرىس-تەحنيكا ءبولىمىنىڭ باس مامانى نۇرعازى ۇسەن وسى باعىتتا اتقارىلىپ جاتقان جۇمىسقا توقتالدى.
– قازىرگى تاڭدا اۋىسىمىنا 500-دەن اسا ارنايى جابدىقتالعان تەحنيكا ىسكە قوسىلدى, سونداي-اق 650-دەن اسا جول تازالاۋشى قىزمەتكەر جۇمىلدىرىلعان. كۇنى كەشە اۋىسىمدا اۋدانىمىز بويىنشا 15783 تەكشە مەتر جەردىڭ قارى پوليگونعا جونەلتىلدى. قىس مەزگىلى باستالعالى بەرى الماتى اۋدانى بويىنشا 385933 تەكشە مەتر اۋماقتان قار شىعارىلدى, – دەدى نۇرعازى ۇسەن.
استانا اۋماعىنداعى قار تازارتۋ جۇمىسى قالانىڭ بارلىق 5 اۋدانىندا جۇرگىزىلىپ جاتىر. ەسىل اۋدانىنىڭ اۋماعىن تازارتۋ جۇمىسى جالعاسۋدا. قار تازالاعىشتار جول بولىگىندەگى قاردى كۇرەپ, جول قىزمەتكەرلەرى مەن شاعىن ارنايى تەحنيكالار جاياۋ جۇرگىنشىلەر جولىن, كولىك تۇراقتارىن, اۋلاىشىلىك اۋماقتاردى تازارتۋدى بەلسەندى جۇرگىزۋدە. بۇل باعىتتا بارلىعى 327 تەحنيكا, 340 جۇمىسشى تازالاۋعا جۇمىلدىرىلعان.
نۇرا اۋدانىنىڭ جولدارىن قاردان 414 ادام مەن 297 ارنايى تەحنيكا تازارتۋدا. مۇنداعى مەكتەپتەرگە, اۋرۋحانالارعا اپارار جولدار مەن تروتۋارلاردى, كوشەلەردى, اۋلالار مەن ءۇيدىڭ ىشكى جولدارىندا تازالاۋ جۇمىسى قارقىندى جۇرگىزىلۋدە.
سارىارقا اۋدانى بويىنشا قار تازالاۋ جۇمىسىنا 700-دەن استام جۇمىسشى جانە 600-دەن استام كوممۋنالدىق تەحنيكا جۇمىلدىرىلدى. ولار الدىمەن جاياۋ جۇرگىنشىلەر جولىن, ايالدامالار ماڭىن, الەۋمەتتىك نىساندارعا اپاراتىن جولدار جانە اۋداننىڭ باستى كوشەلەرىن قاردان تازارتۋدا. قىس ماۋسىمى باستالعالى بەرى اۋدان اۋماعىنان 300 تەكشە مەتردەن استام قار شىعارىلدى.
ەلوردادا بىرنەشە جابدىقتالعان قار پوليگونى جۇمىس ىستەيدى. ولار ساموسۆال تەحنيكاسىنىڭ نومىرلىك بەلگىلەرىن وقۋ جۇيەسىمەن جابدىقتالعان, مۇندا بەينەباقىلاۋ كامەرالارى ورناتىلىپ, جارىقتاندىرۋ قوسىلعان. مامانداردىڭ مالىمدەۋىنشە, قىس مەزگىلى باستالعالى بەرى ەلوردادا 1654224 تەكشە مەتر قار شىعارىلعان. قار پوليگونىنا جونەلتىلگەن رەيس سانى 121 مىڭنان استى.
ماماندار قار تازالاۋ كەزىندە ەلوردالىقتاردىڭ كولىكتەرىن جول بويىندا قالدىرماۋىن سۇرايدى. كولىك قۇرالىن باسقارعاندا ساقتىق شارالارىن ساقتاپ, اباي بولۋعا شاقىرادى.
جاياۋ جۇرگىنشىلەر تروتۋارلارمەن جۇرگەن كەزدە ساق بولۋى, بەلگىلەنگەن ورىندار ارقىلى عانا كوشەلەردەن ءوتۋى قاجەت, سول سياقتى قارتتار مەن بالالارعا كومەك كورسەتكەنى ءجون.
