ەلوردادا بيىل دەمالىستى كوڭىلدى وتكىزۋگە ارنالعان ءتۇرلى ويىن الاڭدارى كوپ سالىندى. قالا تۇرعىندارى بوس ۋاقىتىندا اق قاردا شاڭعى تەۋىپ, سىرعاناقتان شانامەن سىرعاناپ, مۇز ايدىنىندا كونكي تەۋىپ, بوي سەرگىتۋگە مۇمكىندىك مولىنان قاراستىرىلعان. قىس قىزىعىنا كەنەلىپ جۇرىڭىزدەر!
ەلوردادا قىسقى دەمالىستى كوڭىلدى وتكىزۋگە ارنالعان ءتۇرلى ويىن الاڭدارى:
1.Mega Arena
مەكەنجايى: Mega Silk Way ويىن-ساۋىق ورتالىعى.
جۇمىس ۋاقىتى: كۇندە تاڭعى ساعات 10:00 مەن كەشكى 22:00 دەيىن, اراسىندا تەحنيكالىق ۇزىلىستەر بار.
باعاسى: كونكيدى جالعا الۋ ءبىر ساعاتقا – 1300 تەڭگە.
قوسىمشا اقپارات: مۇز ايدىنىندا اقىلى نۇسقاۋشى قىزمەتى بار. سونىمەن قاتار كومەكشى قۇرالداردى جالعا الۋعا بولادى.
- «الاۋ» مۇز ايدىنى
مەكەنجايى: كابانباي باتىر كوشەسى, 47
جۇمىس ۋاقىتى: جۇمىس كۇندەرى (دۇيسەنبىدەن باسقا) – ساعات كەشكى 19.00 باستاپ 23:00 دەيىن. دەمالىس كۇندەرى ساعات 12:00-دەن باستاپ 23:00-گە دەيىن.
كىرۋ باعاسى: جۇمىس كۇندەرى – 1500 تەڭگە, بالالارعا – 1000 تەڭگە. دەمالىس كۇندەرى كىرۋ قۇنى – 1800 تەڭگە, ساعات 15:00-دەن كەيىن كەشكى 23:00-گە دەيىن 2000 تەڭگە. بالالارعا – 1500 تەڭگە. 6 جاسقا دەيىنگى بالالارعا تەگىن. 12 جاسقا دەيىنگى بالالار تەك ەرەسەكتەرمەن بىرگە كىرگىزىلەدى. كونكيدى جالعا الۋ ەرەسەكتەرگە – 2000 تەڭگە, بالالارعا – 1000 تەڭگە.
قوسىمشا اقپارات: كونكيدى جالعا الۋ ءۇشىن كەپىلدىككە 10 مىڭ تەڭگە نەمەسە باعالى زات تاستاۋ قاجەت. I جانە II توپتاعى مۇگەدەكتەرگە جانە 17 جاسقا دەيىن كوپبالالى وتباسىنان شىققان بالالارعا تەگىن, بىراق ەرەسەك ادام جانىندا بولۋى قاجەت.
- ەكسپو الاڭى
مەكەنجايى: ماڭگىلىك ەل, 53/1 EXPO الاڭى.
جۇمىس ۋاقىتى: جۇمىس كۇندەرى 12:00-23:00 ارالىعىندا, دەمالىس كۇندەرى تاڭعى 10:00-دەن باستاپ كەشكى 23:00-گە دەيىن.
باعاسى: 1 ساعات – 500 تەڭگە, ءوز كونكيىڭىز بولسا تەگىن.
قوسىمشا اقپارات: مۇز ايدىنىنىڭ اۋماعىندا جىلى كيىم اۋىستىراتىن بولمە, كونكيدى جالعا الۋ, تاماقتانۋ ورىندارى جۇمىس ىستەيدى.
- ورتالىق الاڭ
مەكەنجايى: كەنەسارى جانە مامبەتوۆ كوشەلەرىنىڭ قيىلىسى.
جۇمىس ۋاقىتى: ساعات 11:00-دەن باستاپ تۇنگى 01:00-گە دەيىن.
باعاسى: كونكيدى جالعا الۋ ساعاتىنا – 1500 تەڭگە, ءوز كونكيىڭىز بولسا تەگىن.
قوسىمشا اقپارات: مۇز ايدىنى قالانىڭ وڭ جاعالاۋىنا تۇراتىن تۇرعىندار ءۇشىن قىسقى كوڭىل كۇيدى سەزىنۋگە مۇمكىندىك بەرەدى. الاڭ كەرەمەت بەزەندىرىلگەن, ءتىپتى فوتوايماقتار دا بار.
- ترياتلون پارك
مەكەنجايى: باۋىرجان مومىشۇلى جانە سارايشىق كوشەلەرىنىڭ قيىلىسى.
جۇمىس ۋاقىتى: ساعات 11:00-دەن باستاپ تۇنگى 00:00-گە دەيىن.
باعاسى: ساعاتىنا – 1500 تەڭگە.
قوسىمشا اقپارات: مۇز ايدىنى جانىندا كيىم اۋىستىراتىن جانە كونكيدى جالعا الۋعا بولاتىن بولمەلەر جۇمىس ىستەيدى.
سونىمەن قاتار ەلوردادا اتاتۇرىك, جەرۇيىق جانە كوكتال ساياباقتارىندا, قازاق ەلى مونۋمەنتى الاڭىندا دا قالا تۇرعىندارى مەن قوناقتارى كونكي تەبە الادى.
زارينا سارسەنبايقىزى
