ەلوردادا بوكستان 2010-2011 جىلى تۋعان جاسوسپىرىمدەر اراسىنداعى استانا كۇنىنە ارنالعان «Qazaq Arlany» اشىق رەسپۋبليكالىق ءتۋرنيرى وتۋدە, دەپ حابارلايدى astana-akshamy.kz
ءتۋرنيردىڭ اشىلۋ سالتاناتىندا ءسوز سويلەگەن تۋريزم جəنە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى توراعاسىنىڭ ورىنباسارى ازامات يماشەۆ قاتىسۋشىلارعا ساتتىلىك تىلەدى.
سونىمەن قاتار استانا قالاسى دەنە شىنىقتىرۋ جəنە سپورت باسقارماسىنىڭ سپورت ءبولىمىنىڭ باسشىسى ازامات اعزاموۆ, «Qazaq Arlany» by M.Toitov بوكس كلۋبىنىڭ نەگىزىن قالاۋشى, بوكستان حالىقارالىق دəرەجەدەگى سپورت شەبەرى, «Astana Arlans» قۇرامىندا WSB نۇسقاسى بويىنشا ەكى دۇركىن əلەم چەمپيونى, «دالا قىراندارى» قوعامدىق بىرلەستىگىنىڭ ۇيلەستىرۋشىسى مەيربولات تويتوۆ جانە قازاقستاننىڭ ەڭبەك سىڭىرگەن سپورت شەبەرى, əۋەسقوي بوكستان əلەم چەمپيونى, وليمپيادا ويىندارىنىڭ ەكى دۇركىن كۇمىس جۇلدەگەرى بولات ءجۇمادىلوۆ قاتىسۋشىلارعا جەڭىس تىلەدى.
جالپى جارىسقا قولداۋ كورسەتىپ, كەلۋشىلەردىڭ اراسىندا بلوگەر سپورتشىلاردان تارتىپ, الەم چەمپيوندىعىنا دەيىن جەتكەن سپورت شەبەرلەرى بولدى. ال قاتىسۋشىلار وزدەرىنىڭ مۇنداي دەڭگەيدەگى شارشى الاڭدا جۇدىرىقتاسقاندارىنا قۋانىشتى ەكەندەرىن جەتكىزىپ, بولاشاق ارماندارى تۋرالى ايتتى.
«مەن بوكسپەن ءۇش جارىم جىلدان بەرى اينالىسىپ كەلە جاتىرمىن. وسىعان دەيىن 10-عا جۋىق التىن مەدال الدىم. قازىر جاسىم – 12-دە. بولاشاقتا ماحمۋد سابىرحان, ساكەن بيبوسىنوۆ سياقتى چەمپيون بولعىم كەلەدى. بۇيىرسا, بۇگىنگى جارىستا دا ءوزىمنىڭ مىقتى دايىندالعانىمنىڭ ناتيجەسىن كورسەتەمىن», – دەدى جاس بوكسشى ارىسبەك نارقوزى.
سونداي-اق جارىسقا قاتىساتىن بالالاردىڭ ءار قيمىلىن باقىلاپ, ولاردى وسى سايىسقا ارنايى دايىنداپ اكەلگەن باپكەرلەر وزدەرىنىڭ بولاشاقتان كۇتەتىن ۇمىتتەرى زور ەكەنىن ايتىپ, جارىستى ۇيىمداستىرۋشىلارعا العىس ءبىلدىردى.
ءدۇبىرلى دوداعا قازاقستاننىڭ بارلىق ايماعىنان 200-گە جۋىق جاس بوكسشى قاتىسۋدا. 4 كۇنگە سوزىلاتىن جارىستا جالپى ەسەپتە 15 سالماق دəرەجەسىندە جەڭىمپاز پەن جۇلدەگەرلەر انىقتالاتىن بولادى.
