«Saz&Soul» توبى حيۋستونداعى Warehouse LIVE ساحناسىندا جەكە كونتسەرت قويدى, دەپ حابارلايدى astana-akshamy.kz.
روزا باعلانوۆا اتىنداعى «قازاقكونتسەرت» مەملەكەتتىك اكادەميالىق كونتسەرتتىك ۇيىمىنىڭ شىعارماشىلىق ۇجىمى تانىمال حالىق اندەرىن, زاماناۋي قازاق مۋزىكاسىن, كۇيلەرىن ءتۇرلى ستيليستيكادا ورىندادى. باعدارلامادا اۆتورلىق اندەر مەن اسپاپتىق شىعارمالار دا بولدى. كونتسەرتتىڭ ەرەكشە تۇسى قازاقستاندىق كومپوزيتور تىلەس قاجىعاليەۆتىڭ 75 جىلدىعىنا وراي «Saz&Soul-دىڭ» جاڭا ارانجيروۆكادا وڭدەلگەن «ماڭگىلىك ماحاببات» كومپوزيتسياسىنىڭ ورىندالۋى بولدى. «Saz&Soul» توبىنىڭ شىعارماشىلىعى قازاق حالىق اندەرى مەن اۆتورلىق شىعارمالارعا نەگىزدەلگەن. ولاردىڭ رەپەرتۋارىنان اكادەميالىق مۋزىكا, دجاز, پوپ, سامبا, رۋمبا جانە تەحنو-ەلەكتروندى مۋزىكا سياقتى ءتۇرلى جانرلار مەن ستيلدەردى تىڭداۋعا بولادى.
