روزا باعلانوۆا اتىنداعى «قازاقكونتسەرت» مەملەكەتتىك اكادەميالىق كونتسەرتتىك ۇيىمىنىڭ سوليستەرى مەن شىعارماشىلىق ۇجىمى بولگاريادا ونەر كورسەتتى, دەپ حابارلايدى astana-akshamy.kz.
مۋزىكالىق ءىس-شارا سوفيا قالاسىنىى Sofia Balkan Palace ساحناسىندا بولدى. رەسپۋبليكالىق جانە حالىقارالىق بايقاۋلاردىڭ لاۋرەاتتارى ءبىرجان ايتاحمەتوۆ, ارداق ەلەۋسىز, اقەركە تاجىباەۆا, ۆەنەرا تابىس پەن «حالىق قازىناسى» ۇلتتىق ونەر ورتالىعىنىڭ سوليستەرى بەلگىلى قازاق كومپوزيتورلارىنىڭ كۇيلەرىن ورىنداپ, قازاق مادەنيەتى مەن ونەرىن كوپشىلىككە پاش ەتتى. كونتسەرتتىك باعدارلامادا «سارىارقا», «انا تۋرالى جىر», «بالبىراۋىن», «اتا تولعاۋى», «اداي», «ناۋىسقى», «كەرتولعاۋ», «اققۋ», «جەلسىز تۇندە جارىق اي» سياقتى شىعارمالار ورىندالدى. مادەني شارانى قازاقستاننىڭ بولگارياداعى ەلشىلىگى ۇيىمداستىردى.
