قىتايداعى قازاقستان رەسپۋبليكاسىنىڭ تۋريزم جىلى اياسىندا روزا باعلانوۆا اتىنداعى «قازاقكونتسەرت» مەملەكەتتىك اكادەميالىق كونتسەرتتىك ۇيىمىنىڭ ارتىستەرى دەچجوۋ مەن لانفان قالالارىندا ونەر كورسەتتى, دەپ حابارلايدى astana-akshamy.kz.
ءىس-شاراعا قازاقستاننىڭ ەڭبەك سىڭىرگەن قايراتكەرلەرى ەلمۇرا جاڭابەرگەن, ارداق بالاجانوۆا, سالتانات احمەتوۆا, مەدەت چوتاباەۆ, مادەنيەت قايراتكەرى ەربولات شالدىبەكوۆ, حالىقارالىق جانە رەسپۋبليكالىق كونكۋرستاردىڭ لاۋرەاتى ءادىلحان ماكين, سونداي-اق «گۇلدەر» جانە «استانا سازى» انسامبلدەرى قاتىستى.
ونەرپازدار ءداستۇرلى جانە زاماناۋي ۇلت مادەنيەتى مەن رۋحانياتىن تانىستىرىپ, وتاندىق كومپوزيتورلار مەن حالىق اندەرىن شىرقاپ, قازاقتىڭ كيەلى قارا دومبىراسى مەن قىلقوبىزى ارقىلى ۇلتتىق ونەرىمىزدى قىتاي جۇرتشىلىعىنا پاش ەتتى.
اتالمىش ءىس-شارا بەيبىتشىلىك پەن كەلىسىمدى ماقسات تۇتقان كورشى حالىقتاردىڭ ەكىجاقتى قاتىناسىنىڭ دامۋىنا, ۇلتتار دوستىعى مەن سىيلاستىعىنىڭ ارتۋىنا سەرپىن بەرەدى.
