قازاقستان-ءازىربايجان ينۆەستقورى قۇرىلادى

«سامۇرىق-قازىنا» اق جانە ءازىربايجان ينۆەستحولدينگى ىنتىماقتاستىق تۋرالى كەلىسىمگە قول قويدى, دەپ حابارلايدى astana-akshamy.kz.

قوردى قۇرۋ جونىندەگى ستراتەگيالىق ارىپتەستىك كەلىسىمىنە مەملەكەت باسشىسى ءازىربايجان رەسپۋبليكاسىنا جاساعان ءىس-ساپارى بارىسىندا قول قويدى.

قور ەكى ەل ەكونوميكاسىنىڭ دامۋىنا ىقپال ەتەتىن جوبالاردى, سونىڭ ىشىندە ترانسكاسپي حالىقارالىق كولىك باعىتىن (تحتم) دامىتۋ جونىندەگى جوبالاردى قارجىلاندىراتىن بولادى.

جاڭا قور احقو الاڭىندا تىركەلەدى دەپ بولجانۋدا.
قازىرگى كەزدە تاراپتار بولاشاقتا قور قارجىلاندىراتىن باسىم جوبالاردىڭ ءتىزىمىن قالىپتاستىرۋدا.

ءازىربايجان ينۆەستيتسيالىق حولدينگى (ايح) – ءازىربايجان رەسپۋبليكاسىنىڭ مەملەكەتتىك ينۆەستيتسيالىق حولدينگى. 2020 جىلى ەلدىڭ ءىرى مەملەكەتتىك اكتيۆتەرىن باسقارۋ ءۇشىن قۇرىلعان.