استانا قالاسىندا «جاسىل ەكونوميكا» جانە «G-Global» دامىتۋ كواليتسياسى» زاڭدى تۇلعالار بىرلەستىگى ۇكىمەتتىك ەمەس ۇيىمدار, «اتامەكەن» ۇلتتىق كاسىپكەرلەر پالاتاسى, كۆازيمەملەكەتتىك سەكتور جانە ەڭبەك جانە حالىقتى الەۋمەتتىك قورعاۋ, ۇلتتىق ەكونوميكا, اۋىل شارۋاشىلىعى مينيسترلىكتەرى وكىلدەرىنىڭ قاتىسۋىمەن قازاقستان اۋىل ايەلدەرىنىڭ V رەسپۋبليكالىق فورۋمىن وتكىزدى, دەپ حابارلايدى astana-akshamy.kz.
فورۋم شەڭبەرىندە اۋىلداعى ايەلدەردى ناتيجەلى جۇمىسپەن قامتاماسىز ەتۋ, كاسىپكەرلىكتى دامىتۋدىڭ ءتيىمدى جولدارىن, ونىڭ ىشىندە اۋىل ءۇشىن كورسەتىلەتىن مەملەكەتتىك قولداۋ شارالارىن ايقىنداۋ ماسەلەلەرى تالقىلاندى.
اۋىلدا ايەلدەر كاسىپكەرلىگىن دامىتۋعا باعىتتالعان بىرقاتار باستامالار قارالدى.
فورۋمعا ەڭبەك جانە حالىقتى الەۋمەتتىك قورعاۋ مينيسترلىگىنەن
كوشى-قون كوميتەتىنىڭ توراعاسى اسقاربەك ەرتاەۆ قاتىستى.
ءوز سوزىندە ول وتكەن جىلدىڭ ءبىرىنشى توقسانىمەن سالىستىرعاندا ايەلدەر اراسىندا جالپى جۇمىسپەن قامتۋ 86,9 مىڭ ادامعا, نەگىزىنەن جالدامالى قىزمەتكەرلەر (72,3 مىڭ ادام) جانە ءوز بەتىنشە جۇمىسپەن قامتىلعاندار
(14,5 مىڭ ادام) ەسەبىنەن وسكەنىن اتاپ ءوتتى.
ەكونوميكالىق قىزمەت تۇرلەرى بويىنشا ايەلدەردىڭ باسىم بولىگى ءبىلىم بەرۋ سالاسىندا – 876,9 مىڭ, كوتەرمە جانە بولشەك ساۋدا سالاسىندا – 853,2 مىڭ, دەنساۋلىق ساقتاۋ سالاسىندا – 413,5 مىڭ, ورمان جانە بالىق شارۋاشىلىعى سالاسىندا – 389,7 مىڭ ادام جۇمىس ىستەيدى
ايەلدەردىڭ ەڭ از سانى – 34,2 مىڭ ادام سۋمەن جابدىقتاۋ سالاسىندا جۇمىس ىستەيدى.
اعىمداعى جىلدىڭ باسىنان بەرى 111,5 مىڭ ايەل جۇمىسپەن قامتۋعا جاردەمدەسۋدىڭ بەلسەندى شارالارىنا قاتىستى. ونىڭ ىشىندە 82,8 مىڭ ادام, ونىڭ ىشىندە تۇراقتى جۇمىسقا – 20,5 مىڭ ادام جۇمىسقا ورنالاستىرىلدى.
