استانادا قازاق كۇرەسىنەن «قازاقستان بارىسى» دوداسىنىڭ ىرىكتەۋ ءتۋرنيرى ءوتىپ جاتىر, دەپ حابارلايدى astana-akshamy.kz
استانادا قازاق كۇرەسىنەن داستۇرگە اينالعان «قازاقستان بارىسى» رەسپۋبليكالىق دوداسىنىڭ ايماقتىق ىرىكتەۋ ءتۋرنيرى باستالدى, دەپ حابارلادى ەلوردا اكىمدىگىنىڭ رەسمي سايتى.
ەلىمىزدە 2011 جىلدان بەرى ءداستۇرلى تۇردە ۇيىمداستىرىلىپ كەلە جاتقان «قازاقستان بارىسى» ءتۋرنيرىنىڭ ىرىكتەۋ كەزەڭى باستالدى. باسەكەدە 80-گە جۋىق قاتىسۋشى 8 سالماق جانە تۇيە پالۋان بويىنشا جەڭىمپازدى انىقتالادى.
«جەرەبە قورىتىندىسى بويىنشا, ءوزىمنىڭ دوسىممەن العاشقى اينالىمدا ءتۇسىپ قالدىم. ءبىر-ءبىرىمىزدى وتە جاقسى بىلەمىز. ءار ءادىستى تالداپ, جاتتىعاتىن ەدىك. سودان بولار, بەلدەسۋ بارىسىندا جەڭىمپاز انىقتالمادى. نەگىزگى ۋاقىتقا بار كۇشىمىزدى سالىپ, قوسىمشا كەزەڭگە كۇش قالعان جوق. ناتيجەسىندە سالماعىم جەڭىل بولعاندىقتان, مەن كەلەسى كەزەڭگە ءوتتىم», – دەدى 74 كەلىدەگى سپورتشى بەيبارىس قىدىرالى.
سالماق بويىنشا ءبىرىنشى ورىن العان بالۋاندارعا «استانا بارىسى» اتاعى بەرىلەدى.
«بيىلعى دودادا تۇيە بالۋان سايىسى بويىنشا قالامىزدىڭ 15 بالۋانى كۇرەسىپ جاتىر. ولاردىڭ اراسىندا بىلتىرعى جەڭىمپاز جاسۇلان حالحاباەۆ بار. فاۆوريت رەتىندە 2018 جىلعى «قازاقستان بارىسى» ءتۋرنيرىنىڭ چەمپيونى ولجاس شىنكەەۆ پەن بىلتىرعى قولا جۇلدەگەر نۇرداۋلەت ايساعاليەۆتى ايتار ەدىم. بىراق بارلىعىن بوز كىلەم كورسەتەدى»,- دەپ جارىس ۇيىمداستىرۋشىسى ايان ەرنازاروۆ ويىمەن ءبولىستى.
تۋرنير جەڭىمپازى شىلدە ايىندا «قازاقستان بارىسىنا» جولداما الادى.
ايتا كەتەيىك, جالپى استانا قالاسىنان 2015 جىلى عاني سەيدىلداەۆ «قازاقستان بارىسىنىڭ» قولا جۇلدەگەرى اتانعان ەدى.
