قازاقستان كىتاپحانالارىندا جازعى دەمالىستا 40 مىڭنان استام ءىس-شارا وتەدى, دەپ حابارلايدى astana-akshamy.kz
بالالاردىڭ وقۋعا دەگەن قىزىعۋشىلىعىن ارتتىرۋ ماقساتىندا قازاقستاننىڭ رەسپۋبليكالىق, وبلىستىق جانە قالالىق دەڭگەيدەگى كىتاپحانالارى جازدا 41 922 ءىس-شارا وتكىزەدى.
استانا قالاسىنداعى قر ۇلتتىق اكادەميالىق كىتاپحاناسىندا ەرتەگى تەراپيا, ينتەللەكتۋالدى كۆەست جانە كىتاپ اكتسيالارى مەن ەكسكۋرسيالارى وتەدى.
الماتى قالاسىنداعى زاعيپ جانە ناشار كورەتىن ازاماتتارعا ارنالعان رەسپۋبليكالىق كىتاپحانادا بالالارعا ارنالعان تيفلوتۇسىنىكتەرمەن ەرتەگىلەر كورسەتىلەدى, شاحمات, دويبى, توعىزقۇمالاق ۇيىرمەلەرى بريىنشا تۋرنيرلەر ۇيىمداستارىلادى.
اقمولا وبلىسىندا اسفالتتاعى فلەش-سۋرەتتەر بايقاۋى, book land, دومبىرا-باتل, اشىق اسپان استىندا وتەتىن ءىس-شارالار جوسپارلانعان.
سولتۇستىك قازاقستان وبلىسىندا «بالا ءتىلى – بال», «ەرتەگىنى تابىڭىز», «ۆوزمي كنيگۋ ۆ دوروگۋ» سىندى ءتۇرلى تاقىرىپتار اياسىندا, بالالاردىڭ جاس ەرەكشەلىكتەرىنە وراي ءىس-شارالار وتەدى.
قوستاناي وبلىسىندا «شەكاراسىز بالالىق شاق», «كىتاپتاردا كانيكۋل جوق» ت.ب. تانىمدىق جيىندار ۇيىمداستىرىلادى.
تۇركىستان وبلىسىندا جازعى بالالار بايقاۋى, بيبليوپيكنيك, ۇيىرمەلەر وتەدى. سونداي-اق اباي وبلىسىندا جاز ايلارىندا 12 باعىت بويىنشا جوبا جۇمىس ىستەيتىن بولادى.
اقتوبە وبلىستىق كىتاپحانالارى كۆەست ويىندار, شەبەرلىك ساعاتى مەن «وقيتىن دوس ىزدەيمىن» جازعى وقۋ جوباسىن ۇيىمداستىرادى.
الماتى وبلىسىنىڭ كىتاپحانالارىندا كىتاپ كورمەسى, سۋرەت سالۋ بايقاۋى وتەدى.
اتىراۋ وبلىسىندا «كىتاپپەن بىرگە وتكەن جاز» جوباسى جوسپارلانعان.
وڭىرلەر بويىنشا ەڭ كوپ ءىس-شارا اقمولا, سولتۇستىك قازاقستان جانە قوستاناي وبلىستارىندا جوسپارلانعان. استانا, الماتى جانە شىمكەنتتە جاس وقىرماندار ءۇشىن 2000 ءىس-شارا ۇيىمداستىرىلادى.
قر ۇلتتىق كىتاپحاناسى, قر ۇلتتىق اكادەميالىق كىتاپحاناسى جانە زاعيپ جانە ناشار كورەتىن ازاماتتارعا ارنالعان رەسپۋبليكالىق كىتاپحانا 197 ءىس-شارا وتكىزەدى.
