قازاقستان كومىر ستانتسيالارىن گازعا كوشىرۋگە مۇددەلى
![](https://astana-akshamy.kz/wp-content/uploads/2024/06/df187d52717540e72d98d441fc1dd938-780x470.jpg)
ەنەرگەتيكا سالاسىندا وزىق تەحنولوگيالاردى قولدانۋ جانە «جاسىل» ەكونوميكانى قارجىلاندىرۋ ماڭىزعا يە. بۇل تۋرالى ەنەرگەتيكا ءمينيسترى الماسادام ساتقاليەۆ ءمالىم ەتتى, دەپ حابارلايدى astana-akshamy.kz.
«ءبىز وزىق ءارى تومەن ەميسسيالىق تەحنولوگيالاردى دامىتۋدى, «جاسىل» ەكونوميكانى قارجىلاندىرۋدى جانە ازاماتتاردىڭ ءال-اۋقاتىن ارتتىرۋ مەن شىۇ-عا مۇشە ەلدەردىڭ تۇراقتى دامۋىن قامتاماسىز ەتۋدى ماڭىزدى مىندەت دەپ سانايمىز. قازاقستان ءوز كەزەگىندە جاڭارتىلاتىن, اتوم جانە سۋتەگى ەنەرگەتيكاسىن دامىتۋعا جانە كومىر ستانتسيالارىنىڭ گازعا كوشىرۋگە مۇددەلى. بۇۇ-نىڭ كليماتتىق كونفەرەنتسياسى اياسىندا COP-28, دۋبايدا 2050 جىلعا قاراي كومىرتەگى بەيتاراپتىعىنا قول جەتكىزۋ ماقساتىندا پارنيكتىك گازدار شىعارىندىلارىن ازايتۋعا كەلىستىك», – دەدى الماسادام ساتقاليەۆ شىۇ-عا مۇشە مەملەكەتتەردىڭ ەنەرگەتيكا مينيسترلەرىنىڭ ءتورتىنشى كەڭەسىندە.
ونىڭ ايتۋىنشا, 2030 جىلعا قاراي جاڭارتىلاتىن ەنەرگەتيكا قۋاتىن جاھاندىق دەڭگەيدە ءۇش ەسە ارتتىرۋ كوزدەلىپ وتىر.
«سونىمەن قاتار مۇناي-گاز كاسىپورىندارىندا شىعارىندىلاردى ازايتۋ بويىنشا «جاسىل» تەحنولوگيالاردى ەنگىزۋ ماڭىزدى», – دەيدى ول.