بۇگىن ەلىمىزدىڭ مەكتەپتەرىندە ارالىق جانە قورىتىندى ەمتيحاندار تاپسىرۋ كەزەڭى باستالدى. ەمتيحاندار 11 ماۋسىمعا دەيىن جالعاسادى, دەپ حابارلايدى astana-akshamy.kz.
بيىل ءبىرىنشى رەت ءبىلىم الۋشىلاردىڭ وقۋ باعدارلامالارىن يگەرۋىن, وقۋ جانە جازۋ ساۋاتتىلىعىن ايقىنداۋ ماقساتىندا 5-8,10 سىنىپتار ءۇشىن 31 مامىرعا دەيىن قازاق تىلىنەن ەمتيحادار وتەدى. ەمتيحاننىڭ ناقتى ۋاقىتىن وقۋ ورىندارى وزدەرى بەلگىلەيدى. ەمتيحان ەكى بولىكتەن تۇرادى: جازباشا جانە اۋىزشا. وقۋشىلار ەسسە جازادى, سونداي-اق, ءماتىندى وقۋ, اڭگىمەلەسۋ جانە ءماتىندى تىڭداپ ءتۇسىنۋ بويىنشا ءوز شەبەرلىكتەرىن كورسەتەدى. 29 مامىر مەن 10 ماۋسىم ارالاعىندا 9 سىنىپتى بىتىرۋشىلەر ءۇشىن قورىتىندى ەمتيحاندار وتەدى, ال 11 سىنىپتى بىتىرۋشىلەر 28 مامىر – 11 ماۋسىم ارالىعىندا ەمتيحان تاپسىرادى.
قورىتىندى اتتەستاتسيادان بارلىعى 340 مىڭنان استام 9 سىنىپتى بىتىرۋشىلەر, سونداي-اق بيىل 11 سىنىپتى ءبىتىرۋشى 186 مىڭ وقۋشى وتەدى.
