قازاقستان وڭىرلىك تسيفرلىق حابقا اينالادى. تسيفرلىق دامۋ ءمينيسترى جاسلان ماديەۆ پرەمەر-ءمينيستردىڭ توراعالىعىمەن وتكەن ۇكىمەت وتىرىسىندا ايتقانداي, وسى باعىتتاعى نەگىزگى باستامالاردى بايلانىس وپەراتورلارى قارجىلاندىرادى, دەپ حابارلايدى astana-akshamy.kz.
ۇلتتىق جوبا شەڭبەرىندە تسيفرلىق جىبەك جولىن دامىتۋ ءۇشىن مىناداي شارالاردى ىسكە اسىرۋ كوزدەلگەن:
كاسپي تەڭىزىنىڭ تۇبىمەن ۇزىندىعى 370 كم وپتيكا توسەۋ. قازاقستان مەن ءازىربايجان بايلانىس وپەراتورلارىنىڭ ينۆەستيتسيالارى 23 ملرد تەڭگەدەن اسادى.
بۇگىن «قازاقتەلەكوم» اق مەن «ازىرتەلەكوم» جشق اراسىندا بىرلەسكەن كاسىپورىن قۇرىلىپ, سۋ استى توبج جوبالاۋ جانە توسەۋ ءۇشىن مەردىگەردى تاڭداۋ بويىنشا تەندەر اياقتالۋدا.
قازاقستان اۋماعى بويىنشا ترانزيتتىك ترافيكتى ۇلعايتۋدى كوزدەيتىن باتىس-شىعىس ۇلتتىق گيپەرماگيسترالىنىڭ قۇرىلىسى.
ترانزيت پەن حالىقارالىق ترافيكتى ساقتاۋ ءۇشىن Tier-III دەڭگەيىنەن تومەن ەمەس دەرەكتەر ورتالىعىن سالۋ.
اتالعان ەكى شارا بويىنشا «Freedom telecom» جشس-نەن ۇسىنىس ءتۇستى. گيپەرماگيسترالعا ءوز ينۆەستيتسيالارى 2025 جىلدىڭ سوڭىنا دەيىنگى مەرزىممەن 17 ملرد تەڭگەدەن اسادى, ال 2027 جىلدىڭ سوڭىنا دەيىن ىسكە اسىرۋ مەرزىمىمەن دبو قۇرىلىسىنا – 90 ملرد تەڭگەدەن اسادى.
وسى شارالاردىڭ بارلىعىن ىسكە اسىرۋ حالىقارالىق دەرەكتەر ءترانزيتىنىڭ بالامالى باعىتىن جانە BigTech كومپانيالارىن (Google, Amazon, Microsoft) نارىققا تارتۋدى قامتاماسىز ەتەدى.
