قازاقستاندا تانىمال سمارتفوندار شىعارىلا باستاۋى مۇمكىن, دەپ حابارلايدى astana-akshamy.kz
بۇل تۋرالى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى حابارلادى.
مينيسترلىك مالىمەتىنشە, قازاقستان وڭتۇستىك كورەياعا Samsung سمارتفوندارىن بىرلەسىپ شىعارۋدى ۇسىندى. بۇگىندە ولار رەسپۋبليكاداعى ەڭ تانىمالداردىڭ ءبىرى سانالادى.
«بۇل قۇرىلعىلارعا سۇرانىس تۇراقتى تۇردە وسەدى. قازاقستان نارىعىنىڭ 50 پايىزدان استامىن وڭتۇستىككورەيالىق برەند الاتىنىن ەسكەرە وتىرىپ, قازاقستاندا سمارتفونداردىڭ بىرلەسكەن ءوندىرىسىن قۇرۋ ماسەلەسى قاراستىرىلىپ جاتىر», – دەدى تسيفرلىق دامۋ مينيسترلىگى وكىلدەرى Tengrinews.kz رەسمي ساۋالىنا بەرگەن جاۋابىندا.
سونداي-اق, ۆەدومستۆو ءبىزدىڭ ەل «بۇل جوباعا سەرىكتەس تابۋعا دايىن» دەپ سەندىردى.
«قازاقستاندا دارىندى جاستار, ۋنيۆەرسيتەتتەر جانە كەشەندى يننوۆاتسيالىق ەكوجۇيە بازاسى بار, بۇل ەلدى سمارتفونداردى بىرلەسىپ شىعارۋعا قولايلى ەتە الادى», – دەپ قوستى ۆەدومستۆو.
سۋرەت: depositphotos.com
