يۋنەسكو ستاتيستيكالىق ينستيتۋتىنىڭ جاڭارتىلعان دەرەكتەرىنە سايكەس قازاقستان شەتەلدە وقيتىندار سانى بويىنشا الەمدە 9-ورىنعا يە بولدى (91,2 مىڭ ستۋدەنت), دەپ حابارلايدى astana-akshamy.kz
بۇل تۋرالى ۇلتتىق ينۆەستورلار قاۋىمداستىعى تالداۋ جاساپتى.
الەمدەگى ەڭ تىعىز قونىستانعان ەكى ەل, قىتاي مەن ءۇندىستاندا شەتەلدە وقيتىن ستۋدەنتتەر كوپ بولىپ شىقتى. ماسەلەن, شەتەلدە ميلليوننان استام (1,021 مىڭ) قىتاي ستۋدەنتتەرى وقيدى, ال ءۇندى ستۋدەنتتەرىنىڭ سانى وسى كورسەتكىشتىڭ جارتىسىنا جۋىعىن (508,2 مىڭ) قۇرادى. ودان ءارى ۆەتنام (137 مىڭ), گەرمانيا (126,4 مىڭ) جانە وزبەكستان (109,9 مىڭ) ورنالاسقان.
الايدا, ەگەر شەتەلدە وقيتىن ستۋدەنتتەردىڭ ءتيىستى كەزەڭدەگى حالىققا ارا قاتىناسىن ەسەپتەسەك, وندا قازاقستان 0,48% ۇلەسى بار ەلدەر اراسىندا 1-ءشى ورىندى الادى.
ودان كەيىن سيريا (0,46%) جانە وزبەكستان (0,31%) جايعاسقان. شەتەلدە وقيتىن ستۋدەنتتەر سانى بويىنشا سالىستىرمالى تۇردە جوعارى كورسەتكىشتەرگە يە قىتاي مەن ءۇندىستان, سونىمەن بىرگە ستۋدەنتتەردىڭ حالىق سانىنا قاتىناسى بويىنشا كورسەتكىشتەرى تومەن (قىتاي 0,07%, ءۇندىستان 0,04%).
ستۋدەنتتەر وقۋدى تاڭداعان ەلدەرگە كەلسەك, بۇل اقش (833 مىڭ), ودان كەيىن ۇلىبريتانيا (601 مىڭعا جۋىق), اۆستراليا (378 مىڭعا جۋىق), گەرمانيا (376 مىڭنان استام) جانە كانادا (318 مىڭعا جۋىق).
ەسكە سالا كەتەيىك, بيىل قازاقستاندا 186 مىڭ تۇلەك 11 سىنىپتى ءبىتىردى. ولاردىڭ ىشىندە 7 420 وقۋشى (تۇلەكتەردىڭ 4%) «التىن بەلگىگە» يە بولدى, ال 13 727 وقۋشى (تۇلەكتەردىڭ 7%) جالپى ورتا ءبىلىم تۋرالى ۇزدىك اتتەستات الدى.
