قازاقستاندا 18 مىڭنان استام ادام ەسىرتكىگە تاۋەلدى
![](https://astana-akshamy.kz/wp-content/uploads/2024/02/0fe99b8a-27ed-457f-9a36-308c3c6b8783-780x470.jpg)
دەنساۋلىق ساقتاۋ مينيسترلىگى ەسىرتكىگە تاۋەلدى ادامدار بويىنشا رەسمي دەرەكتەردى جاريالادى 2024 جىلعى 1 قاڭتارداعى جاعداي بويىنشا «پسيحواكتيۆتى زاتتاردى پايدالانۋ سالدارىنان پسيحيكالىق مىنەز-قۇلىق بۇزىلىستارى» دياگنوزىمەن 108 مىڭ 722 ادام ديناميكالىق باقىلاۋدا تۇر, ونىڭ ىشىندە 18 329-ى – ەسىرتكى قۇرالدارى مەن پسيحوتروپتىق زاتتارعا تاۋەلدى. وكق الاڭىندا وتكەن دوڭگەلەك ۇستەل بارىسىندا مەديتسينالىق كومەكتى ۇيىمداستىرۋ دەپارتامەنتى باسقارماسىنىڭ باستىعى انجەلا بەكسۇلتانوۆا وسىنداي دەرەكتەردى كەلتىردى, دەپ حابارلايدى astana-akshamy.kz.
«ناشاقورلاردىڭ 91% (16 817) – ەرلەر, 9% (1 512) – ايەلدەر, 2 734 (15%) – 18 بەن 29 جاس ارالىعىنداعى جاستار, 66 – بالالار مەن جاسوسپىرىمدەر. وكىنىشكە وراي, رەسمي ستاتيستيكادا ەلدەگى ەسىرتكىگە تاۋەلدى ادامداردىڭ ناقتى سانىن كورسەتىلمەگەن. ويتكەنى بۇل كورسەتكىش لاتەنتتى بولىپ تابىلادى. كوپتەگەن ناشاقورلار وزدەرىنىڭ جاعدايىن جاسىرادى», – دەدى سپيكەر.
2023 جىلى تاۋلىك بويى جۇمىس ىستەيتىن ستاتسيونار جاعدايىندا ەسىرتكىگە تاۋەلدى 3 534 ناۋقاس ەمدەلدى.
«20 جىلدان بەرى ناشاقورلاردى مەديتسينالىق-الەۋمەتتىك وڭالتۋدىڭ كەشەندى باعدارلاماسى ىسكە اسىرىلىپ كەلەدى, وعان دەتوكسيكاتسيا, پسيحوتەراپيالىق جانە پسيحوكوررەكتسيالىق ەمدەۋ, الەۋمەتتىك وڭالتۋ كىرەدى», – دەدى دەنساۋلىق ساقتاۋ مينيسترلىگىنىڭ وكىلى.
بيىل مەديتسينالىق-الەۋمەتتىك وڭالتۋ بولىمشەلەرىن اباي, ۇلىتاۋ, ماڭعىستاۋ جانە شىعىس قازاقستان وبلىستارىندا اشۋ جوسپارلانۋدا.