بۇگىن Maqsut Narikbayev University-دە MIND قولدانبالى عىلىمي-زەرتتەۋ ورتالىعى اشىلدى, دەپ حابارلايدى astana-akshamy.kz
MIND تالداۋ ورتالىعى عىلىمي وي مەن تاجىريبەنى «Think & do tank» فورماتىندا بىرىكتىرەتىن الاڭ. اتالمىش فورماتتىڭ ەرەكشەلىگى تەك ۇسىنىستار بەرۋ ەمەس, ارەكەت ەتۋگە بىرەگەي مۇمكىندىك جاساۋ.
اشىلۋ سالتاناتىندا ءسوز سويلەگەن ساياسات نۇربەك كۇردەلى گەوساياسي, ەكونوميكالىق جانە وڭىرلىك جاعدايلاردا اناليتيكا, ساراپتامامەن جۇمىس ىستەۋدىڭ وزەكتىلىگىن اتاپ ءوتتى. سونداي-اق ول عىلىم جانە جوعارى ءبىلىم مينيسترلىگى MIND عىلىمي-تالداۋ ورتالىعىنىڭ جوبالارى مەن باستامالارىن قولداۋعا دايىن ەكەنىن ايتتى.
MIND-تىڭ ۇستانىمى – ورتالىق ازيا مەن جالپى الەمدە تۇراقتى دامۋ ماقساتىنا جەتۋگە ۇمتىلۋ جانە قولدانبالى زەرتتەۋلەر ءۇشىن ساراپشىلاردى بىرىكتىرۋ. سونداي-اق, تالداۋ ورتالىعىنىڭ قۇندىلىقتارى جۇرگىزىلىپ جاتقان زەرتتەۋلەردىڭ تاۋەلسىزدىگىنەن, اكادەميالىق ادالدىقتان, ىنتىماقتاستىق پەن سەرىكتەستىكتەن, اشىقتىقتان, قوعاممەن بايلانىستان جانە ناتيجەلەرگە قول جەتكىزۋدەن تۇرادى. ورتالىقتىڭ ماقساتى – تاۋەلسىز قولدانبالى زەرتتەۋلەر جۇرگىزۋ, ستراتەگيالىق شەشىمدەر قابىلداۋ ساپاسىن دامىتۋ, كەڭەس بەرۋ, ارىپتەستىك ورناتۋ جانە MIND ينستيتۋتسيونالدىق تۇراقتىلىعىن قامتاماسىز ەتۋ.
MIND – بەيتاراپ اناليتيكا شىعاراتىن تاۋەلسىز يدەيالار فابريكاسى ەكەنىن جانە Maqsut Narikbayev University پروفەسسورلىق-وقىتۋشىلىق قۇرامىنىڭ الەۋەتىنە سۇيەنەتىنىن ايتا كەتۋ كەرەك.
سونىمەن قاتار, MIND ورتالىعى MNU مەن قازاقستان رەسپۋبليكاسى پارلامەنتى سەناتىنىڭ بىرلەسكەن جوبالىق كەڭسەسى بولىپ تابىلادى. بۇل حالىق پەن بيزنەستىڭ كەڭ توپتارىنىڭ بيلىكتىڭ زاڭ شىعارۋشى تارماعىمەن بايلانىسىن قامتاماسىز ەتەدى جانە وزەكتى زاڭنامالىق باستامالاردى ازىرلەۋگە ىقپال ەتەدى.
ءىس-شارا اياسىندا MIND-ءتىڭ كەيبىر عىلىمي زەرتتەۋلەرىنىڭ ناتيجەلەرى تانىستىرىلدى جانە سوڭىندا عىلىمي ورتالىق بويىنشا ەكسكۋرسيا وتكىزىلدى, ونىڭ بارىسىندا بىرقاتار حالىقارالىق ۇيىمدارمەن, مەملەكەتتىك ورگاندارمەن جانە كۆازيمەملەكەتتىك كومپانيالارمەن ارىپتەستىك كەلىسىمدەر جاسالدى.
Maqsut Narikbayev University باسقارما توراعاسى تالعات نارىكباەۆ ءوز سوزىندە عىلىمي ورتالىقتىڭ اشىلۋىنا كەلگەن بارلىق قاتىسۋشىلارعا العىسىن ءبىلدىردى. «قازىرگى ۋاقىتتا ۋنيۆەرسيتەت وقىتۋشىلىق باعىتتان زەرتتەۋ باعىتىنا كوشۋگە ارنالعان جاڭا دامۋ ستراتەگياسىن ازىرلەدى, ال MIND قولدانبالى عىلىمي-زەرتتەۋ ورتالىعى وسى ستراتەگيانىڭ اجىراماس بولىگى»,- دەدى ول.
قولدانبالى عىلىمي-زەرتتەۋ ورتالىعىنىڭ اشىلۋ سالتاناتىنا ۇكىمەت اپپاراتىنىڭ, ورتالىق مەملەكەتتىك ورگانداردىڭ, حالىقارالىق ۇيىمدار مەن ديپلوماتيالىق وكىلدىكتەردىڭ, جەرگىلىكتى اتقارۋشى ورگانداردىڭ, تالداۋ ورتالىقتارىنىڭ, جوعارى وقۋ ورىندارىنىڭ جانە باق-نىڭ وكىلدەرى قاتىستى.
