قازاقستاندا قوس مينيسترلىك بالالار قاۋىپسىزدىگى بويىنشا مەموراندۋمعا قول قويدى
![](https://astana-akshamy.kz/wp-content/uploads/2024/02/1700b1a4-6ee8-4113-bee7-71d3cdd66fb7-780x470.jpg)
قر وقۋ-اعارتۋ مينيسترلىگى مەن توتەنشە جاعدايلار مينيسترلىگى اراسىندا بالالاردىڭ قاۋىپسىزدىگىن قامتاماسىز ەتۋ بويىنشا ىنتىماقتاستىق تۋرالى مەموراندۋمعا قول قويىلدى, دەپ حابارلايدى astana-akshamy.kz.
«باستى ماقسات – بالالاردىڭ قاۋىپسىزدىگىن قامتاماسىز ەتۋ. ءبىز بالالارىمىزدىڭ, ستۋدەنتتەر مەن مۇعالىمدەردىڭ ءومىرى مەن دەنساۋلىعىن قورعاۋ ءۇشىن بارلىق ۆەدومستۆولاردىڭ كۇش-جىگەرىن بىرىكتىرۋدى كوزدەپ وتىرمىز. وسى ىنتىماقتاستىقتىڭ ارقاسىندا ءبىلىم بەرۋ ۇيىمدارى توتەنشە جاعدايلاردا دۇرىس ارەكەت ەتۋ جانە قاۋىپسىز ءبىلىم بەرۋ ورتاسىن قامتاماسىز ەتۋدە قوسىمشا ءبىلىم مەن داعدىعا يە بولادى», – دەدى وقۋ-اعارتۋ ۆيتسە-ءمينيسترى ەدىل وسپان.
سونداي-اق ۆەدومستۆولار ءبىلىم بەرۋ قىزمەتكەرلەرىن قاۋىپسىزدىك تەحنيكاسىنا وقىتۋ جانە ونى تاراتۋ بويىنشا جانە ءبىلىم بەرۋ ۇيىمدارىنىڭ جەكە قۇرامىنىڭ ءارتۇرلى توتەنشە جاعدايلارعا دايىندىعىن ارتتىرۋ ماقساتىندا وقىتۋ ءىس-شارالارى مەن جاتتىعۋلارىن بىرلەسىپ وتكىزەتىنىن اتاپ وتكەن ءجون.