قازىرگى تاڭدا ينتەرنەتتەگى بۋكمەكەرلىك كەڭسەلەردىڭ جارناماسىنا تىيىم سالۋ ماسەلەسى تالقىلانۋدا, دەپ حابارلايدى astana-akshamy.kz
سونىڭ اياسىندا «قازاقستاندىق سايتتارعا بۋكمەكەرلىك كەڭسەلەردى جارنامالاۋعا تىيىم سالىنسا, YouTube پەن بۋكمەكەرلەر جارناماسى بار شەتەلدىك سايتتار جابىلا ما؟» دەگەن سۇراق تۋىندايدى.
قازاقستاندا بۋكمەكەرلىك كەڭسەلەردىڭ جارناماسىنا تىيىم سالۋ ماسەلەسى قىزۋ تالقىلانۋدا – ساۋىردە ءماجىلىس دەپۋتاتتارى ويىنعا تاۋەلدىلىكپەن كۇرەسۋگە باعىتتالعان زاڭ جوباسىن ماقۇلدادى. دەگەنمەن, ساراپشىلاردىڭ ويىنشا, ينتەرنەتتە بۋكمەكەرلىك كەڭسەلەردىڭ جارناماسىنا تىيىم سالۋ تۋرالى ءسوز قوزعاعانداردىڭ ءبارى نە پروبلەمانىڭ ءمانىن تۇسىنبەيدى, نە اشىق پوپۋليزممەن اينالىسۋدا. ال ۇسىنىلىپ وتىرعان شارالار تەك قازاقستاندىق رەسۋرستارداعى ارنايى جارنامالارعا تىيىم سالۋعا باعىتتالعان.
نەلىكتەن تىيىم سالۋ ماسەلەنى شەشپەيد
قازاقستاندا ونلاين-كازينولاردى جارنامالاۋعا تىيىم سالىنعان, بۇل ءبىزدىڭ ەلدە كوپ قارالاتىن شەتەلدىك سايتتارداعى مۇنداي تىيىم سالىنعان كونتەنتتىڭ جارنامالانۋىنا كەدەرگى كەلتىرمەيدى. ال زاڭسىز ونلاين كازينولارداعى وتانداستارىمىزدىڭ شىعىنى دا جۇزدەگەن ميلليون تەڭگەمەن باعالانادى. نەلىكتەن دەپۋتاتتار مۇنىمەن جىلدار بويى كۇرەسپەدى, زاڭسىز ونلاين-كازينولاردىڭ جارناماسىن قالاي شەكتەۋ كەرەكتىگىن ويلاماي, شەتەلدىك سايتتاردى شەكتەۋدى ۇسىنبادى, ەندى تەك قازنەتپەن كۇرەسۋگە بەل بۋدى؟
YouTube-كە تىيىم سالىنا ما؟
بۋكمەكەرلىك كەڭسەلەردىڭ جارناماسىن كورسەتۋگە تىيىم سالىناتىن رەسمي جارناما ارنالارىنان باسقا, ازاماتتارعا اقپاراتتى جەتكىزۋدىڭ باسقا دا قۇرالدارى بار. سوندىقتان تاعى ءبىر ماڭىزدى سۇراق تۋىندايدى: قازاقستانداعى ەڭ تانىمال سايت YouTube-كە قاتىستى قانداي شەشىم قابىلدانادى؟ ناقتى جاعداي: جاقىندا YouTube جەلىسىندە تانىمال بۋكمەكەرلەردىڭ بىرىنە جارنامالىق ماقساتتا تۇسىرىلگەن جانە ميلليونداعان قارالىم جيناعان رەسەيلىك ءانشى MORGENSHTERN-ءنىڭ ۆيدەوسى جاريالاندى. YouTube-كە دە, MORGENSHTERN-گە دە قازاقستاندا قابىلدانعان زاڭدى شەكتەۋلەر جۇرمەيدى. ال بۇل ماسەلە قالاي شەشىلمەك؟ قازاقستاندىق مەديا بۋكمەكەرلەردى جارنامالاي المايدى, بىراق MORGENSHTERN سياقتىلار قازاقستاندىق باق بۇرىن العان اقشانى الا الا ما؟ وسى پلاتفورمالاردا بەلسەندى تۇردە جارنامالاناتىن YouTube, VK, Telegram, TikTok سايتتارىنداعى رەسەيلىك بۋكمەكەرلەردى جارنامالاۋعا قانداي شارالار قابىلدانادى؟ شاماسى, دەپۋتاتتاردىڭ وزدەرىندە دە جاۋاپ جوق.
باسقا شارالار قاجەت
شەتەلدىك پلاتفورمالار مەن سايتتارداعى تاڭداۋلى كونتەنتتى ءتيىمدى بۇعاتتاۋ مۇمكىن ەمەس. سونىمەن قاتار قازىرگى ۋاقىتتا ينتەرنەتتە بۋكمەكەرلەرلىڭ جارناماسىنان گورى قازاقستاندىقتارعا كەرى اسەر ەتەتىن كوپتەگەن دەسترۋكتيۆتى قۇبىلىستار (شەتەلدىك باق-تاعى ناسيحات, پورنوگرافيا, «اقپاراتتىق سوعىستار» جانە ت.ب.) بار. بىراق مۇنى تۇبەگەيلى شارالارسىز شەكتەۋ مۇمكىن ەمەس. سوندىقتان ساراپشىلار بۋكمەكەرلەردىڭ ينتەرنەتتەگى جارناماسىن شەكتەۋ باستامالارى قۇمار ويىندارعا تاۋەلدىلىكتى اۋىزدىقتاۋعا كومەكتەسپەيدى دەپ قورىتىندىلادى. بۇل جاي عانا قازاقستاندىق كومپانيالاردان تۇسەتىن اقشا اعىندارىن شەتەلدىك كومپانيالارعا باعىتتايدى, ياعني ينتەرنەتتەگى جارنامانى شەكتەۋ ەلگە تەك زيان كەلتىرەدى.
سۋرەت: pixabay.com
