پرەمەر-مينيستر ولجاس بەكتەنوۆ قازاقستاندا تاعى بەس پوليتسيا ءبولىمىن قۇرۋ تۋرالى قاۋلىعا قول قويدى, دەپ حابارلايدى astana-akshamy.kz
وسىلايشا مينيسترلەر كابينەتىنىڭ باسشىسى قازاقستاندا مىناداي ۆەدومستۆولاردى قۇرۋ تۋرالى شەشىم قابىلدادى:
- قازاقستان رەسپۋبليكاسى ىشكى ىستەر مينيسترلىگى الماتى وبلىسىنىڭ پوليتسيا دەپارتامەنتى الاتاۋ قالاسىنىڭ پوليتسيا ءبولىمى;
- قازاقستان رەسپۋبليكاسى ىشكى ىستەر مينيسترلىگى شىعىس قازاقستان وبلىسىنىڭ پوليتسيا دەپارتامەنتى ۇلكەن نارىن اۋدانىنىڭ پوليتسيا ءبولىمى;
- ىشكى ىستەر مينيسترلىگى شىعىس قازاقستان وبلىسىنىڭ پوليتسيا دەپارتامەنتى مارقاكول اۋدانىنىڭ پوليتسيا ءبولىمى;
- قازاقستان رەسپۋبليكاسى ىشكى ىستەر مينيسترلىگى اباي اۋدانىنىڭ پوليتسيا دەپارتامەنتىنىڭ ماقانشى اۋداندىق پوليتسيا ءبولىمى;
- قازاقستان رەسپۋبليكاسى ىشكى ىستەر مينيسترلىگى اباي وبلىسىنىڭ پوليتسيا دەپارتامەنتى جاڭاسەمەي اۋدانىنىڭ پوليتسيا ءبولىمى.
سونداي-اق بۇل قۇجاتتا ءىىم اباي وبلىسى پوليتسيا دەپارتامەنتىنىڭ ەمحانا گوسپيتالى قۇرىلاتىنى جازىلعان.
قۇرىلاتىن باسقارمالار رەسپۋبليكالىق جانە جەرگىلىكتى بيۋدجەتتەردە ىشكى ىستەر مينيسترلىگىنە بولىنگەن قاراجات ەسەبىنەن قارجىلاندىرىلماق.
ىشكى ىستەر مينيسترلىگىنە قارجى مينيسترلىگىنىڭ مەملەكەتتىك مۇلىك جانە جەكەشەلەندىرۋ كوميتەتىمەن بىرلەسىپ, بارلىق قاجەتتى شارانى قابىلداۋ تاپسىرىلدى.
