بۇگىن استانادا قر ەنەرگەتيكا مينيسترلىگىنىڭ قولداۋىمەن قازاقستاندا اەس سالۋ جونىندەگى جوبانىڭ ءبىرىنشى ستەيكحولدەرلەر فورۋمى وتۋدە. ۇيىمداستىرۋشى – «قازاقستاندىق اتوم ەلەكتر ستانتسيالارى» جشس, دەپ حابارلايدى astana-akshamy.kz
فورۋمنىڭ نەگىزگى مىندەتى – قازاقستاننىڭ يادرولىق باعدارلاماسىن دامىتۋعا قاتىساتىن مۇددەلى تاراپتاردى ءبىر الاڭدا بىرىكتىرۋ.
قاتىسۋشىلارعا قازاقستان رەسپۋبليكاسى ەنەرگەتيكا مينيسترلىگى اتوم ەنەرگەتيكاسى جانە ونەركاسىبى دەپارتامەنتىنىڭ ديرەكتورى عۇمار سەرعازين جانە «قازاقستاندىق اتوم ەلەكتر ستانتسيالارى» جشس باس ديرەكتورى تيمۋر جانتيكين العى ءسوز سويلەدى. ولار بۇل ءىس-شارا قازاقستاننىڭ يادرولىق-ەنەرگەتيكالىق باعدارلاماسىن ىسكە اسىرۋ بويىنشا ءىس-قيمىلى اجىراماس بولىگى بولىپ تابىلاتىن مۇددەلى تاراپتاردىڭ كەڭ اۋقىمى اراسىنداعى ءوزارا سەنىمدى نىعايتۋدا ماڭىزدى ءرول اتقاراتىنىن اتاپ ءوتتى.
فورۋمدا قازاقستانداعى ەنەرگەتيكانىڭ قازىرگى جاعدايى, قازاقستان ەكونوميكاسىنىڭ تۇراقتى دامۋىن قامتاماسىز ەتۋدەگى اتوم ەنەرگەتيكاسىنىڭ ءرولى, اتوم ەنەرگەتيكاسىنىڭ الەۋمەتتىك سالاعا اسەرى, اتوم ەنەرگەتيكاسى جانە ەكولوگيا سياقتى تاقىرىپتاردى قامتۋ جوسپارلانۋدا.
ءىس-شاراعا قاتىسۋ ءۇشىن ءداستۇرلى تۇردە ستەيكحولدەرلەر قاتارىنا كىرەتىن ءتۇرلى سالالار مەن باعىتتاردىڭ وكىلدەرى شاقىرىلدى: ۇكىمەت, ۇلتتىق كومپانيالار, ازاماتتىق سەكتور, عىلىمي جانە ساراپتامالىق قوعامداستىق, بيزنەس, جەرگىلىكتى حالىقتىڭ كوشباسشىلارى, جوعارى وقۋ ورىندارى, تەحنولوگيالار مەن ءبىلىم بەرۋشىلەر جانە اتوم سالاسىنىڭ قىزمەتكەرلەرى.
اتالعان فورۋم قازاقستان رەسپۋبليكاسىنىڭ اتوم ەنەرگەتيكاسى سالاسىنداعى وزەكتى ماسەلەلەردى تالقىلاۋ جانە تاجىريبە الماسۋ ءۇشىن ماڭىزدى الاڭ بولىپ تابىلاتىنىن اتاپ وتەمىز.
