قازاقستاندىق جاسىل ستارتاپ Ozen-M ۆەنادا UNIDO كونكۋرسىندا 2-ءشى ورىن الدى, دەپ حابارلايدى astana-akshamy.kz.
6 ماۋسىمدا ۆەنا قالاسىندا وتكەن Cleantech Days 2024 جاھاندىق فورۋمى اياسىندا جاسىل جوبالار بايقاۋى ۇيىمداستىرىلدى, وندا قازاقستاندىق ستارتاپ – Ozen-M الەمنىڭ تۇكپىر-تۇكپىرىنەن كەلگەن 22 كوماندا ىشىندە 2-ورىندى يەلەندى. قازاقستان ۇسىنعان ەكىنشى جوبا Re-Compo توپ-6 فينالشىلار تىزىمىنە كىردى.
Ozen-M – ناقتى ۋاقىت رەجيمىندە وزەندەر مەن كولدەردىڭ جاعدايىن باقىلاۋعا ارنالعان ينتەراكتيۆتى كارتاسى بار ۆەب-قوسىمشاسى. ازىرلەمە پايدالانۋشىلارعا سۋ رەسۋرستارىن ءتيىمدى باسقارۋ ماقساتىندا نەگىزگى وزەننىڭ جانە ونىڭ سالالارىنىڭ اعىنىن, سونداي-اق وزەن باسسەينىندەگى نەگىزگى گيدروتەحنيكالىق قۇرىلىستاردىڭ ورنالاسۋىن سحەمالىق تۇردە كورۋگە مۇمكىندىك بەرەدى.
Ozen-M تەڭ نەگىزىن قالاۋشىسى ايگەرىم نۇرماعامبەتوۆا بىلاي دەدى: «بىزگە, اسىرەسە GCIP Kazakhstan-عا سەنگەنىڭىز ءۇشىن كوپ راحمەت, ونىڭ قولداۋى ءبىزدىڭ جوبامىز ءۇشىن وتە قۇندى بولدى. ءبىز باقىلاۋ پلاتفورماسىنىڭ بولىگى رەتىندە ۇلكەن دەرەكتەرمەن جۇمىس ىستەپ جاتىرمىز جانە دەرەكتەر – جاڭا مۇناي ەكەنىن ايتۋىمىز كەرەك. باعالى ءارى كوپ ىزدەنۋدى قاجەت ەتەدى».
